FBI
汪東城東京扮龍珠
「東東」汪東城早排帶咗 300位 fans去東京遊覽台場、晴空塔等名勝，一大班人坐玻璃船遊東京灣，又到相撲手餐廳見識。無見大東一輪，佢呢排究竟搞乜？大東原來忙緊拍戲搵銀，早排佢就完成咗電影《我的播音系女友》，套戲今個月 20日就會喺內地上映，本月底佢亦會來港出席自家品牌活動，暑假仲話有「重要計劃」宣布喎！不過大東叫大家放心，佢一定唔係宣布結婚喎。
活動後，大東向經理人告 3日假，之後就約死黨王友良（ Ivan）一齊遊東京，二人幾年前因為做一篇日本潮流訪問識咗。兩位麻甩仔除咗去台場參觀巨型高達， Ivan仲帶咗大東去池袋嘅 J World漫畫世界。大東同 Ivan都超愛龍珠，去到其中一個著名場景「天下一武道會」，仲唔扮鬼扮馬狂影咩！
|
鍾意就快D Share啦！
|
|
|