未來在娛樂界大展拳腳，開經理人公司又開唱片公司，據悉志偉頭號目標是樂小姐愛將林峯。
真面目
大洗牌 大搞搶人 志偉吹雞挖林峯
冇買版權公然抄考韓片《陽光姊妹淘》，首次為大台監製中女劇，曾志偉一次過令 7位美魔女鹹魚翻生，仲捧起幾個後生版囡囡！
多多搞作嘅志偉，暗地仲拉攏三嫂戚美珍和神秘水喉合股開娛樂公司，簽完棒棒堂 Lollipop@F，據知睇中有演中女劇後生版嘅 Super Girls，有男女組合後輩，志偉仲吹雞吼實約滿大台的林峯和陳法拉。
「愛好娛樂」去年 4月 30日成立，由志偉、戚美珍及另一位合夥人當董事，其中董事王瑞玲在澳門人脈甚廣，最近更揼錢開戲，志偉成功泊到大水喉；而旗下的「愛好音樂」，志偉請了前英皇舊臣林偉漢打骰。《蘋果日報》圖片
大台收視急跌，好彩仲有曾志偉監製的女人戲吊命，除咗 7位美魔女外，又令劇中演李若彤女兒的 Heidi（李靜儀）、少女版袁潔瑩 Cheronna（吳嘉熙）升呢做宅男女神，志偉原來更打算收歸 Heidi同 Cheronna所屬的 Super Girls成為旗下藝人。
做唔成 Kay師妹
11年出道， Super Girls發展平平，今年兩位成員抽到好籌拍劇，可惜撞正唱片公司星煥重組，改名兼變成大台官方唱片公司；唔係親生仔女，只有唱片合約的謝安琪和 Super Girls寧願出去闖都唔肯屈就。
謝安琪北上路路暢通，剩番 Super Girls自去年 11月開始，做咗大半年孤兒仔，唱片工作完全停頓，「 Super Girls係模特兒公司 Jam Cast揀出嚟，經理人合約都屬於 Jam Cast，無綫想霸埋經理合約梗係唔得喇。其實 Kay經理人夏森美都好有興趣簽 Super Girls，仲傾咗一段時間，可惜最後 Jam Cast唔肯 share排舞、化妝等呢啲開支，大家就有分歧傾唔成，如果唔係做到 Kay師妹，發展一定好有利！」知情者說。
做娛樂大亨
被星煥飛起，又簽唔成夏森美，早前 Super Girls接受訪問時，曾經露口風，仲話唔擔心前途，她們說︰「有一間好勁嘅公司傾緊，不過未講得住，遲下公佈！」官方消息未有，本刊獲悉 Super Girls口中的「勁公司」正是志偉的「愛好娛樂」。
據註冊資料顯示，由志偉與三嫂戚美珍去年四月合股開設，除咗 3月開記招公布簽約的棒棒堂 Lollipop@F，和剛剛落實的 Super Girls外；據知，志偉未來更大計多多，「呢兩隊組合只係開始，志偉仲對一線花旦小生有興趣，𥄫得最實係滿咗約嘅法拉同就滿約嘅林峯。雖然林峯有諗過約滿後自組公司，不過論經驗論人脈，佢都覺得同志偉有得諗㗎！」 61歲都未言休，志偉今次擺明想做娛樂大亨，娛樂圈睇嚟又要大洗牌！
|
鍾意就快D Share啦！
|
|
|
