網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月7日 星期三

[FACE 363] 一脫求快 新股上市 張敬軒剝晒 張敬軒,MF,




拍海報時由於要露股,所以一定要清場,只得攝影師同軒仔個男助手可以留低。

真面目

一脫求快 新股上市 張敬軒剝曬

由張敬軒主演的舞台劇《 EQUUS馬》本週五( 9日)開鑼連做 25場,飾演戀馬狂的軒仔首次挑戰在台上露體,肯定係出道 13年以來最激一次。

《馬》劇英國版有「哈利波特」丹尼爾烈格夫正面全裸,可惜軒仔講明港版會遮住重要部位,冇得益街坊!據知一向有鋪露肉癮的軒仔,本身非常願意為藝術犧牲,不過由於有學生觀眾入場,唯有禁止「小軒仔」現真身,改以靚股做賣點。焗住錫身,最開心可能係私有化慢慢睇嘅斌女喎!

製作特輯只輕輕影一影攝影師個電腦畫面,但已清楚見到張敬軒個背脊同靚股。

07年「哈利仔」丹尼爾烈格夫主演的舞台劇《 EQUUS馬》,在台上對住女主角同過千觀眾剝曬,「小哈利」真身即時在網上瘋傳,更有粉絲大讚夠專業。

操靚線條

事隔 7年,香港版搵 33歲張敬軒扮 17歲戀馬狂少年,當全世界期待軒仔照辦煮碗全裸,點知竟然冇得睇,「有 90%係裸露,導演綵排時本來話想全裸,但因為有技術問題,要夾咪收音先唔可以!」

據知收音問題其實唔難解決,最麻煩係會有學生入場,唔可以太過渲染,「軒仔知道要做呢套舞台劇當日已經預咗全裸,佢對自己身型好有信心,仲特登搵健身教練操靚啲線條,諗住學『哈利仔』一舉成名,點知導演話始終有未滿 18歲嘅學生入場,全裸唔係咁好!」知情人士透露。

海報影咗一個上午,雖然要剝曬對住鏡頭,但軒仔夠專業冇扭擰,話咁快搞掂!

冇「小軒」睇,好在都有半裸軒仔對住塊鏡露一點幫補下,不過矇咗啲,三點始終不露囉!

捱到入廠

黃秋生同詹瑞文前度甄詠蓓(小圖)上年開辦「神戲劇場」劇團,頭炮正正係甄做導演,黃秋生和張敬軒主演的《 EQUUS馬》。

冇得曬「巨」鵰,軒仔唯有露股頂癮,拍攝海報時側面裸曬,突出白滑嫩股,「今次表演入面,我要將最私密、最 private嘅嘢 show俾大家睇,如果我衝破到呢條線,就會好成功!」

據知軒仔今鋪搏到盡,綵排足足 3個月,每日由朝早 10點練到夜晚 6點,然後再開會檢討,加上軒仔的角色情緒起伏十分大,一時 high爆一時勁頹。生理心理都有壓力,令軒仔經常失眠,更一度疑似肺炎要入院檢查,早前練成的肌肉幾乎一鋪清袋,連黃秋生都勒令佢要好好休息!要突圍靠今鋪,如果呢隻「新股」成功上市,捱到入廠都抵番曬

$280睇軒仔靚股

《 EQUUS馬》本週五( 9日)首演,年滿 15歲的全日制學生同 60歲長者,可以優惠價$280買飛入場,另外有$1,000 VIP飛,係咪好近可以睇軒仔個靚股呢?

製作特輯中,雖然睇到軒仔個側面全裸,不過導演專登加效果搞到矇查查,乜都睇唔到,即係侷人入場睇真身啫!

哈利仔堅裸

哈利仔剝曬同女演員赤條條對望,本來為藝術犧牲冇乜嘢,最衰有觀眾影低咗放上網!路透社圖片

「哈利仔」丹尼爾早於 07年已演過《 EQUUS》,當時佢唔怕破壞哈利仔形象,堅持剝曬,扮演一個刺盲咗六隻馬嘅 17歲戀馬少年 Alan,其父母要請心理醫生令佢回復正常,因醫生愈醫就愈唔識分咩係「正常」、咩係「瘋狂」。對哈利仔係演技大挑戰,不過都唔及佢台上剝曬咁激軒仔今次學唔足喎!



鍾意就快D Share啦!