掃呢頁CODE去手機

2014年5月14日 星期三

[FACE 364] 廖碧兒中環賣紅酒 廖碧兒,MF,




碧兒唔想自己釀嘅紅、白酒,貼張貼紙就算,然後交俾師傅釀製,所以自己會跟足釀酒嘅每個步驟,就連酒桶都要自己揀過。

FBI

廖碧兒中環賣紅酒

近來唔少前大台藝人被發現轉行,或者因為大台人工太奀而要搵兼職賺多個錢。

碧兒除咗喺法國嘆紅酒外,仲愛上食有機食物,即席剪啲迷迭香擺落口食。

碧兒嘅自家品牌 Bellavizio暫時只有中環嘅 Racks MDB、 Fridge及灣仔嘅 Bo Innovation有售。

好似前港姐冠軍譚小環就轉行賣魚蛋;而近年已轉到內地拍劇嘅廖碧兒( Bernice),原來亦撈過界去鑽研紅酒,仲叻到創立自己品牌「 Bellavizio」,喺法國波爾多生產。 Bernice話自己只係小本投資,所以每年只會生產 6至 8千支,喺香港暫時只有 3間酒吧有售。 Bernice同 FBI提起盤紅酒生意就飄飄然,「其實我由 08年開始對紅酒、白酒產生興趣。我唔想就咁黐張貼紙落去就話係自己嘅酒,我希望由揀葡萄以至種葡萄嘅地方,每一個 step都參與。」 Bernice仲特別修讀「葡萄酒及烈酒教育基金會」課程,考咗 3級資格,成為「香港專業品酒師協會」會員。 Bernice話:「當然想有自己酒莊啦,不過呢啲係好遙遠嘅事。我想做靚自己嘅 label先,大量生產未必保持到好嘅質素。」

碧兒嘅紅酒原來都有唔少星級粉絲捧場,除咗劉嘉玲,仲有超模 Kate Moss,認真巴閉!



鍾意就快D Share啦!