網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月28日 星期三

[FACE 366] 養晒全家 阿媽再嫁 王敏奕提家事爆喊 王敏奕,MF,




封面

養曬全家 阿媽再嫁 王敏奕提家事爆喊

李麗珍同前夫許願夫妻恩怨,劇中飾演少女版「李麗珍」嘅王敏奕( Venus),現實中出身都頗為坎坷,相比劇中「朱莉」角色,原來只係小巫見大巫。只有 22歲,單親家庭長大嘅王敏奕,自父母離婚後,就同阿媽相依為命,家中所有開支靠曬做全職按摩師嘅阿媽,直到阿媽再婚,開始懂事的她二話不說孭起頭家。講到家事時,王敏奕更忍唔住爆喊,她說:「我希望用 2年時間儲夠錢,等媽咪全面退落嚟享福!」



其他影片:>>細訴家事






王敏奕 1歲時跟隨父母由惠州來香港定居,一家四人住在百呎公屋單位,而她和細一年嘅細佬感情最好(另有一 7歲細佬由繼父所出),不過未幾父母搞離婚,兩姊弟從此分開生活,而靠阿媽一手一腳養大的她,因新劇人氣急升,梗係希望阿媽可以享福。

屋企經濟唔好,王敏奕眼濕濕地說:「最辛苦嗰個一定係阿媽,希望 2年後,阿媽可以退落嚟享嚇福!」

當提到家事時,王敏奕一度喊爆,仲話最唔開心嘅事,就係同最感情最好嘅細佬分開,好彩同細佬仲保持聯絡。

王敏奕於新劇中飾演少女版「李麗珍」,演技更被網民激讚,事業也開始進入直路。

唔想同細佬分開

週日( 25日),本刊直擊王敏奕搭地鐵去開工,等到她完成工作時,本刊把握機會上前訪問,談到家中狀況時,她馬上眼濕濕:「細個同細佬關係最好,當爹哋同媽咪搞離婚時,知道要同佢分開生活,當時真係好唔開心,有喊過,因為佢(細佬)好倚賴我,所以都好擔心佢!」

自此,王敏奕和阿媽相依為命,至於家中嘅所有開支都係靠曬全職做按摩師的阿媽,她說:「嗰陣環境唔係咁好,自己對罐頭嘢又會敏感,所以阿媽為咗等我可以食好啲,佢試過一年都放唔夠 7日假,日日都要直踩十幾個鐘,仲要一年都買唔到一件新衫,為嘅都係等我可以食好啲,學多啲嘢,所以自己到 14歲出嚟兼職拍廣告幫補家計。」

雖然近期工作量大增,不過出名慳家嘅王敏奕,出入當然搭地鐵代步㗎!

現時王敏奕和阿媽、後父同細佬一家四口住係柴灣漁灣邨嘅公屋,雖然地方細小,不過一家人都相處得好開心㗎!

王敏奕坦言同阿媽感情最好, 14歲已經想出嚟幫補家計,唯一可以賺錢,就係入娛樂圈。

圖片

王敏奕為了減輕阿媽負擔,放假時就會幫手照顧弟弟,認真乖女!

圖片

8成收入當家用

王敏奕在 14歲開始投身社會賺錢,從此就不問阿媽攞一分一毫零用錢,到她中五時,阿媽再婚再生下弟弟,說:「自己同後父嘅關係都好,自己放假時都會幫手照顧細佬,佢𠵱家讀緊幼稚園,啲學費都幾貴㗎,因為自己仲係起步階段,所以暫時都係阿媽幫手。」

問到最艱苦的時刻,王敏奕再次提到阿媽,她說:「最辛苦嗰個一定係阿媽,仲要捱足咁多年,我𠵱家每個月都會俾 8成收入當家用,自己只係留番 2千自用。自己事業開始有啲起色,𠵱家想慢慢儲夠錢,希望 2年後,阿媽可以退落嚟享嚇福!」

王敏奕和經理人麥曦茵早在拍攝港台節目《過渡青春》相識,之後二人惺惺相惜,王敏奕 12年去到紐約進修演技需要十多萬學費,都係由麥曦茵借出。

網上圖片

王敏奕和曾志偉兒子曾國祥今年年初撻著,兩人溝通上好有共識,仲話男友一路都精神上支持,大家唔使開工時就會見面,好煙韌啫!

王敏奕和曾國祥愛得火熱,上週二( 20日),本刊又拍到曾國祥開車接王敏奕放工。

未夠秤入行

王敏奕 14歲就開始接觸演藝工作, 12年更到紐約修讀半年嘅 Acting For Film,雖然拍過唔少作品,不過直至大台劇的「朱莉」一角先開始多人認識,網民激讚演技超班。據知王敏奕想主力拍電影,拍完《 M Club》就未有咁快拍另一套劇集。

王敏奕第一部作品《過渡青春》,戲中飾演同樣叫 Venus嘅角色,主角是羅仲謙和 JM,雖然和蔣家旻(中)屬大茄,王敏奕都冇 hea做!

之後王敏奕拍攝電影《烈日當空》,出品人正是男友老豆曾志偉,戲中與「少年張震」林耀聲有唔少情慾戲。

王敏奕現時忙於拍攝由經理人麥曦茵執導的《曖昧不明關係研究學會》,同戲拍住經理人公司嘅一班師弟。



鍾意就快D Share啦!