全城熱爆的娛樂八封新聞 & 時事趣聞 & 生活 + 趣聞
毛仔幾條 坤哥著背心去睇戶外音樂節，本來正常過正常，只係媽咪姐太好眼，一望就望到佢胳肋底少得驚人嗰幾條……毛！
近排「巨星幫」坤哥吳業坤終於發市，有緋聞喇！不過，一係冇新聞，一嚟就話佢衰窮，俾女子組合 Super Girls隊長趙慧珊（ Aka）飛。之但係轉頭又有報道話查實係坤哥衰花心，逢女溝先搞到分手噃。
Anyway後生仔啲愛情都係 easy come easy go㗎喇！媽咪姐早幾日見到吳業坤，佢仲不知幾 happy，自爆對玉女歌手吳若希有意思㖭！風頭火勢仲咁大膽？但唔覺意望嚇坤哥胳肋底，嘩！好似毛都未出齊咁款喎！後生仔，咪掛住溝女，俾心機做嘢先啦。
坤哥話自己窮到車都無揸，但仲有心情追女仔喎！吳若希（左圖）即時閂門話只係朋友，而舊愛 Aka（上圖中）就唔想再提佢，早排仲去咗韓國拍攝影器材廣告，搵銀至上。
