掃呢頁CODE去手機

2014年6月13日 星期五

[忽然1周 985] 沈嘉偉邱淑貞霸氣教育 沈嘉偉,邱淑貞,MW,




沈嘉偉帶埋啲親戚一行十幾人去掃貨,盡露霸氣。不過身為大老闆嘅佢,對住囡囡一樣冇曬計,差唔多抱足全程。

媽咪姐

沈嘉偉邱淑貞霸氣教育

一個係上市公司 I.T大老闆、揸住廿億喺手嘅沈嘉偉,另一個就係一代性感女神、曾經紅透影壇嘅邱淑貞,你話佢哋一家大細出嚟行街又點會唔大陣仗吖!

周日( 8日),媽咪姐就喺銅鑼灣利園撞到佢哋,兩個囡囡、細佬、姨媽姑姐同賓賓一大棚人去掃貨。沈生盡顯大老闆嘅風範,一家人不停穿梭幾間舖,鍾意乜就攞乜,嗰股霸氣湧曬出嚟!

講時講,媽咪姐呢排咁啱睇到財經版,報道話依家大品牌收縮,沈嘉偉反而擴張喎。有個咁勇嘅阿爸,難怪細女沈晨都展現出巾幗不讓鬚眉嘅「英姿」, cute呀!

有個有錢爸爸真係唔同啲,細細個已經培養買嘢唔使睇錢嘅習慣,囡囡淨係拎住對鞋,沈嘉偉就已經點頭買咗喇!

「運動」完一輪,沈晨揸住杯凍朱古力飲得好滋味, 4歲人仔,愈大愈似邱淑貞,好靚女!

沈晨發功

邱淑貞喺 Cova買緊朱古力嗰陣,沈晨擒到上櫃面佢都唔知,認真牙煙!



鍾意就快D Share啦!