掃呢頁CODE去手機

2014年6月13日 星期五

[忽然1周 985] 踢爆未婚夫大馬有妻女 陸詩韻認蠢:我想結婚 陸詩韻,MW,




被騙多年

對於未婚夫已婚有女,陸詩韻早前接受本刊訪問坦言自己一直被蒙在鼓裏,至去年吳銘偉被揭發欠債,她才慢慢識穿對方大話連篇。

滾熱辣

踢爆未婚夫大馬有妻女 陸詩韻認蠢:我想結婚

前港姐亞軍陸詩韻( Sharon),早前入稟申請未婚夫吳銘偉( Jeffrey)的貿易公司清盤,官司將於七月有定案。

一直以來,陸詩韻被標籤為「專釣金龜」的港姐,無寶不落的她今次高調宣布與拍拖 4年的吳銘偉分手。據知導火線是去年本刊獨家報道男方債務纏身,陸詩韻才恍然大悟,連番質問之下,再發現原來對方在大馬已有妻女,女兒約八歲大。

枕邊人大話連連,陸詩韻夢醒斬纜。分手後,她即打回原形,搬離匡湖居愛巢,復出演舞台劇自力更生。對於接二連三的錯摸姻緣,她歸究心急想結婚,到頭來得個吉,自嘆:「只係怪自己蠢!」







33歲陸詩韻, 05年經選美入行後,不時被影到與富豪撐枱腳或把臂外遊,因而被指專釣金龜。 09年她退出娛樂圈幫父親打理生意,並自資開設貿易公司轉戰職場做女強人。近年戀上馬來西亞華僑吳銘偉,二人更合作做生意,不過最後分手收場兼對簿公堂。

同遊汶萊

去年 2月尾,陸詩韻與吳銘偉現身香港機場,準備飛去汶萊。到達汶萊機場後,二人與當地司機在停車場一齊扯煙。

大馬藏女

去年 4月,本刊到訪吳銘偉位於大馬的家,發現有一年約 8歲讀小學的女孩出入,據知她便是吳銘偉的女兒,平時由祖父母照顧。

申請公司清盤

據知陸詩韻多年來從沒過問公司的財務支出,更天真地以個人名義為公司作貸款擔保人。去年尾她已正式辭去與吳銘偉聯名的公司董事一職,但今年初借貸銀行仍向她追討七十多萬,吳銘偉卻置身事外,陸詩韻惟有用自己錢先還錢給銀行,再申請對方公司清盤。為此陸詩韻無奈表示:「我都係想攞番個公道啫!」她上了寶貴的一課,亦明白到一對情侶甚至夫妻,最好是財政獨立。

維護未婚夫

經本刊報道與吳銘偉同遊汶萊後,陸詩韻即返港急開記招澄清,公開未婚夫身份,仲話外遊是為了與當地政府傾飛機航線做生意。

共用司機

去年陸詩韻與吳銘偉出入都以兩人聯名公司的七人車代步,有私人司機,甚有排場。

被貼街招追債

去年 4月,本刊再發現在陸詩韻所住的西貢匡湖居屋苑外的巴士站廣告燈箱,貼有 14張追債大字報,不單止有陸吳二人的照片,亦有男方的個人資料。吳銘偉被揭發是空心老倌,欠債纍纍。

曚查查做小三

去年本刊連番踢爆陸詩韻未婚夫吳銘偉是空心老倌,同時亦發現他在新加坡早已有家室,有一個約八歲的女兒。陸詩韻早前接受本刊獨家訪問時,亦親口承認確有此事:「其實你哋當時嘅報道幫咗我好多,我有部分知亦有部分唔知,佢冇坦白向我交代。報道一出,令我有個清晰嘅決定,我內心掙紮仲好唔好繼續落去?都係因為我太投入太相信一個人,為佢付出所有,只係怪自己蠢……其實佢最後冇交代清楚,我覺得好難再相處落去。(咁你知唔知佢有妻女?)……後來先知。」未婚夫原來是別人的丈夫,陸詩韻連自己是小三都不知道。

陸詩韻多年來擇偶條件清晰,先在 07年,她與入過獄的富豪曾文能拍拖,二人把臂同遊日本,被指「送外賣」。後她與「油王」朱明被拍到拍拖,還有秘交「廉署剋星」律師林炳昌。單看陸詩韻的往績,可見他揀男友要有身份、地位及有錢。

對於種種流言蜚語,陸詩韻從來不自辯,今次是她首次剖白多年來的心底話:「我來自小康之家,冇需要釣金龜。我其實好努力做嘢搵錢,但近十年,傳媒用『送外賣』、『釣金龜』呢啲字眼形容女藝人,對我哋好唔公平。我承認嘅感情係得曾生(曾文能)一個,嗰時自己細個唔識處理,又驚公司嬲,所以唔想見光。其實每個男人背後都有唔同嘅故事。我唔鍾意同人解釋同交代,呢啲標籤對形象好有影響,我以為可以用時間證明一切,但原來唔得。」陸詩韻親口承認與曾文能的一段情,但其他人如朱明則絕口不提。

崎嶇愛情路

樣靚身材正的陸詩韻,其實條件好好,她對愛情執著,奈何以往遇到的男人,不是已婚就是空心,個個都背景複雜,冇一個能開花結果。

2013年 住海景屋

去年陸詩韻仍住在月租 8萬的西貢匡湖居獨立屋,日日對住無敵大海景,生活寫意。

今年 揸弟車

以往與富豪拍拖,陸詩韻名車任揸,現在她出入都要借用胞弟名下的 Benz房車。

返居屋

日前出席完公開活動,陸詩韻返回父親位於將軍澳的居屋寓所,冇拖拍的她變得深閨。

鍾情成熟男

去年九月與吳銘偉分手後,陸詩韻坦言未發現有新追求者,雖然多次遇人不淑受情傷,但她仍渴望搵到 Mr. Right,「我鍾意啲年紀大而又穩重嘅男人,唔介意佢大我十年八年,最重要係溝通到,就算曾經結過婚,離婚手續搞好曬就冇問題。我承認有段時間好心急想結婚。(依家仲會心急嗎?)呢啲嘢冇得急亦冇得逼,只可靠緣份。不過呢個教訓令我以後唔再感情用事。(怕啲男人會戴有色眼鏡睇你?或只當你係短暫情人?)我依然相信愛情,亦唔會睇唔起自己,我有自信搵到另一半。我又冇做錯,又唔係對人唔好,相信個天唔會安排我繼續遇到唔好嘅人。」

陸詩韻以往住得豪,出入揸名車,現在卻要借用胞弟名下的 Benz代步。日前工作後,她亦返回父親位於將軍澳的居屋。據知陸詩韻的父親早年在國內做製衣,廠房有過百員工,現時陸弟接手父親生意。對於家境不俗仍住居屋,陸詩韻解釋:「因為我父母鍾意低調,佢哋又喺嗰度住咗好多年,老人家出入方便最重要。我依家自己住西貢,佢哋冇同我一齊住。」

女人青春有限,陸詩韻錯愛男人被騙感情,既然認蠢就要學精,下次要帶眼識男人喇!

轉演舞台劇

近月陸詩韻投身舞台劇表演,早前參演過《尋魂記》,現時正為《長腿叔叔》綵排。

新佬見光彈開

《蘋果日報》圖片

揀佬冇眼光

33歲的陸詩韻,入行 9年一直專吼成熟兼有財力的男士,但奈何眼光奇差,對象唔係俾人硬撬就係「空心老倌」。

圖片

富豪 曾文能

07年 1月,陸詩韻與年長 14歲、曾入獄的富豪曾文能到日本玩足 3日。伴遊照曝光不久,盛傳遭名模周汶錡硬生生撬牆腳,陸、曾一年情玩完。

圖片

落難律師 林炳昌

今年 62歲,有「廉署剋星」的律師林炳昌, 06年因妨礙司法公正被判入獄四年。 08年上訴期間被拍得中環夜會陸詩韻,關係曝光。

假油王 朱明

08年尾,有周刊拍得陸詩韻與身家十億的「油王」朱明逛超市,未幾女方即入住月租 10萬的銅鑼灣酒店式公寓 Apartment O(小圖)。兩個月後,陸遭陳法蓉硬撬,不久朱明亦被爆原來債務纏身,在內地被追數逾 7億人民幣,後要改名換姓避債。

《 FACE》圖片



鍾意就快D Share啦!