2014年6月20日 星期五

[忽然1周 986] 福山雅治「犀利哥」嚟喇! 福山雅治,MW,




自認「結他癡」嘅福山,唔只作咗首〈 Cherry〉講佢嘅結他,全晚仲掟咗十幾個 pick落台俾 fans,豪氣!

Wow!好犀利呀!(真實對白)

亞熱帶

福山雅治「犀利哥」嚟喇!

「 Hong Kong我返嚟喇!」 45歲型到冇嘢講嘅「湯川教授」福山雅治,講咗 3年之後,終於開佢入行 24年嚟首次香港個唱。現場氣氛高漲到好似佢用半鹹淡廣東話咁講:「一齊 high」

福山講過,搵唔到一條舒服嘅內褲,所以唔著。呢日開演唱會,佢又拎嚟講笑,話一到香港就俾人問有冇著內褲,佢話:「我無打算著!無問題!」唱〈 Heaven〉仲兩度扭腰,自摸下體,又用結他彈出《神探伽俐略》主題曲〈 vs.2013~知覺和快樂的螺旋〉,再忍唔住爆句:「好犀利呀!」搞到全場嗌破喉嚨。不過,呢位「犀利哥」最勁係喺台劇《你照亮我星球》客串 30秒,用國語唱埋主題曲〈破曉〉,靚仔又有才(財),邊度搵先!

舞台唔使太花巧,福山呢個台靠燈光搭夠,加埋爆咗兩次煙花,勁靚。

「跨代男神」唔係人人都適用,福山自己聽到呢個稱號,話好有壓力。

機場行 catwalk

福山見慣大場面,睇佢俾幾百人圍住,依然挺胸收腹抬頭行,幾有氣勢。

咪以為福山搭上艷星壇蜜會影響佢事業,依家啲 fans好 open嘅。結婚,就另計。

上個禮拜,福山去咗台灣,仲見過五月天,估唔到隔幾日,怪獸(圈)跟埋佢嚟香港,仲去後台打招呼。



鍾意就快D Share啦!
Related Posts Plugin for WordPress, Blogger...