網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年6月20日 星期五

[忽然1周 986] 熊貓,人來瘋! MW,




媽咪姐

熊貓,人來瘋!

嘩!嘩!嘩!上年隻黃色鴨仔遊到嚟香港,搞到個個癲曬,要去影佢打卡。今年呢,就輪到 1,600隻熊貓坐飛機嚟,媽咪姐同班朋友仔聽到佢哋會閃嚟堆填區,真係飯都唔食就去追!

唔好話媽咪姐咁想見佢哋真身,睇嚇班藝人吖,佢哋比媽咪姐仲積極,淩晨四點叫佢哋去旺角、灣仔等熊貓軍殺到,都話冇問題。你話吖!熊貓嘅吸引力係咪勁過「都 min俊 C」先?

Sammi等唔切,熊貓一落機佢就去接佢哋走,就咁俾佢成為第一批打卡星,贏咗!

熊貓連日嚟遊走十九區,真係曬到雀斑都出埋,黎姿親手幫佢哋皮膚護理,真係好細心嘅啫!

旺角踩場

清晨五點嘅旺角西洋菜街,有「浩南哥」鄭伊健率領佢班古惑熊貓出動。咦!「浩南哥」唔係睇開銅鑼灣嘅咩?

佔領藍屋

B餐謝安琪同熊貓喺灣仔列為「一級歷史建築」嘅藍屋食茶餐,呢個淩晨約會真係令人羨慕又妒忌。

另類玩法

樓上就好老正,只係攬攬抱抱擺嚇甫士,咁以下呢幾位藝人呢?難得咁近距離見熊貓真身,嚟個親密接觸,一於玩大佢

郭富城今次去馬場唔係搵佢 2隻愛駒,而係睇熊貓,不過佢咁咀落去,有啲唔合衞生喎!

咪鬱!黃子華被包圍了,但點解有一隻熊貓會喺半空嘅?好彩冇畏高啫!

桂綸鎂好明白乜嘢叫做「可遠觀而不可褻玩焉」,將熊貓當泡菜咁雪住,會唔會冷親㗎?



鍾意就快D Share啦!