掃呢頁CODE去手機

2014年6月20日 星期五

[忽然1周 986] 黃曉明局留蒙古呻爆 新片超支片酬收唔足 曉明,黃曉明,MW,




扮睇唔到

宋慧喬及黃曉明雖然都有出席 4月的北京國際電影節,但宋慧喬刻意同吳宇森保持距離,而黃曉明亦望都唔望吳宇森。《美聯社》圖片

娛樂喧

黃曉明局留蒙古呻爆 新片超支片酬收唔足

大導演吳宇森近年回歸華語市場,早前更找來金城武、黃曉明及宋慧喬,拍攝 3億元成本的大製作《太平輪》,並打著如意算盤分上、下集拍攝。

不過,吳大導拍慣荷里活製作,對片中的大型沉船、爆炸場面要求甚高,加上電腦特技所費不菲,上集未拍完已經耗掉 3億。不少藝員及工作人員只收得一半人工,但幸好吳大導名氣,大家都勉為其難捱義氣繼續拍。錢收唔足拍攝期又一拖再拖,難怪黃曉明在微博呻爆。








唔拖導演

在剛舉行的上海電影節,宋慧喬雖然同吳宇森一齊行紅地氈,不過佢就以一招「撥頭髮」及「拉裙腳」,謝絕同吳宇森牽手入場。

吳宇森在荷里活執導多年,近年回歸華語市場,拍攝兩集《赤壁》,兩集全球票房收逾 17億元,聲名大噪。吳宇森於是想食住個勢開拍大時代文藝片《太平輪》,劇本更早在四、五年前已有初稿,最終由樂視影業及小馬奔騰集團合共投資 3億元拍攝。現階段《太平輪》上集拍完,下集剛開始拍攝,但資金周轉不靈,演員等多過拍,加上期間又要周圍宣傳新戲,令拍攝進度慢上加慢。

吳宇森張家振反面

林保怡亦有份演《太平輪》,更有自己的大頭海報。據知他的戲份集中在上集,所以唔使在蒙古滯留。

「因為成幾億製作,要好似《赤壁》拍兩集至有錢賺。《太平輪》淨係演員片酬都幾千萬,監製張家振好緊張盤數。但吳宇森就將 budget放曬落大型沉船場面,希望拍到《鐵達尼號》咁嘅級數,用咗好多錢做特技,搞到下集嘅 budget用得七七八八,好多演員同工作人員都只是出咗一半糧。張家振屢勸無效,呢對老拍檔仲因為呢件事反曬面。」知情者說。

據知吳宇森曾聯絡樂視及小馬奔騰繼續「揼水」,但兩邊都冇聲氣加碼,吳大導惟有搵其他投資者埋尾。由於下集黃曉明及宋慧喬這對情侶佔戲較重,當他們經理人問到幾時收尾期片酬時,吳宇森於是向他們落嘴頭,表示因資金周轉出現問題,要大家俾耐性。一班明星為俾面吳宇森,只好局拍。

片酬以千萬計的黃曉明及宋慧喬亦十分無奈,近日被迫滯留蒙古。「一般慣例,要拍完下集,上集至有得上映,咁先有錢返,黃曉明同宋慧喬惟有局住拍落去。不過套戲進度慢,搞到佢兩個要長駐蒙古,非宣傳期,不得離開,推咗好多 job。」

黃曉明網上呻爆

其實,宋慧喬一直睇重中國市場,曾表示:「我樂意去中國拍電影,但對進軍荷里活冇乜興趣。」更希望借《太》開拓大陸市場,一洗在《一代宗師》只是「過場」的屈辱。

至於黃曉明,去年因為有份投資的《匹夫》票房失利,今年急欲搵銀,不過資金阻滯影響《太》的拍攝進度。負傷拍攝的他,多次在微博呻爆:「好多事放在心裏不好瘦(受,普通話同音)。」擺明唔老黎。

記者致電黃曉明經理人查詢,但至截稿前仍未獲回覆。不過從 instagram睇嚟,黃曉明句句有骨,似乎吳宇森今次都搞到一身蟻。

宋慧喬拍《一代宗師》一拍拍足三年,最慘出街時仲要剪剩兩分鐘片段。等埋位時,她要打羽毛球解悶。

今次再拍華語片,喬妹又係拍極都拍唔完,只好 post劇照上網解悶。

上次拍兩集《赤壁》,吳宇森下集拍到一半時已經用曬資金,最後由佢自掏荷包埋尾。

網上呻爆

黃曉明對《太平輪》遲遲未拍完,雖然敢怒不敢言,但亦忍唔住,在 instagram暗寸。

呻辛苦

新年要趕戲,仲要凍冰冰落水,難怪黃曉明罕有地呻拍攝工作辛苦。

呻艱難

雖然拍攝日子「艱難」,但從黃曉明上載紅蘿蔔來看,他對此片寄望甚殷,難怪佢肯為吳宇森捱義氣拍下集。

呻難受

「瘦」普通話與「受」同音,黃曉明即是話自己心中「不好受」。又以「胖」暗指谷住條氣局拍,「胖」亦與「絆」音似,暗指絆,即係「 click住」。

強國版《鐵達尼號》

由吳宇森執導的《太平輪》,前名《生死戀》,故事改編自 1949年內戰時期,由內地駛往台灣的輪船「太平輪」意外沉沒事件。電影籌備 4年,透過章子怡與佟大為、宋慧喬與黃曉明、金城武與長澤正美三對戀人的亂世愛情故事,組成一部集戰爭、愛情、災難於一身的史詩式大片,預計今年年尾公映。

《太平輪》是海難片,身為主角的章子怡亦多番受難,除了做落湯雞,更要落水等人救。

飾演學生的金城武,同長澤正美有一段異國戀。難得 40歲城哥大過長澤 13年,但兩人睇落都咁襯。

宋慧喬與黃曉明在《太平輪》有大膽激吻戲,難怪黃曉明早前為 Baby大搞生日,又送車,實行備定案。



鍾意就快D Share啦!