掃呢頁CODE去手機

2014年6月27日 星期五

[忽然1周 987] 為牀戲與導演罵戰 蔚雨芯反擊:我有底線 蔚雨芯,MW,




電影公司要 Rainky「滅聲」,默認為《微交少女》露點, Rainky澄清有替身,惹來導演不滿。

娛樂喧

為牀戲與導演罵戰 蔚雨芯反擊:我有底線

「魔鬼胸」蔚雨芯( Rainky)最近在新片《微交少女》飾演援交女,銀幕上更有大膽露點戲,不過為顧及形象, Rainky的露點場面其實由替身代勞。而正值上位中的 Rainky為免被人誤會,在電影宣傳時主動澄清露點另有其人,不料卻惹來導演翁子光不滿,更被他在微博直斥「唔專業」。 Rainky隨即還擊:「我是一個有底線的新人。」擺明針鋒相對。








魔鬼胸「被露點」

戲中 Rainky被嫖客推入浴室,然後鏡頭一轉,由替身負責近鏡的露點場面。

今年 20歲的蔚雨芯( Rainky)成為新一代「𡃁妹仔」,接拍《𡃁妹仔》續篇《微交少女》,飾演聾啞援交少女,戲中不乏被虐打的戲份,以及赤裸殺人的場面。初次拍電影的她,對《微》片寄望甚殷,被虐及性感場面,她都堅持親身上陣。但為顧及歌手形象, Rainky戲中的露點戲份,就改由北京替身負責。

Rainky在《微交少女》要被黑社會毒打,後來又要赤裸殺人,甚為搏命。

早前 Rainky拍了一輯雪地三點式,連郭富城都有關注,仲忍唔住俾意見 Rainky。

導演微博開火

Rainky近日宣傳《微》片時,因多次提及片中露點戲是替身代拍,惹來導演翁子光不滿,直斥她「唔專業」。

早前為電影宣傳, Rainky同翁子光都面左左冇嘢講。

Rainky講真相

Rainky之後在微博還擊:「當初電影公司要我啞忍替身代拍一事,作為新人的我是無法接受的……。」踢爆電影公司想「博大霧」,屈佢露點。

Rainky母嚇親

「 M Club」女李靜儀(左)在《微交少女》飾演溫碧霞女兒,戲中和 Rainky飾演的聾啞女是好朋友,兩人亦有不少對手戲。

隨著電影上映, Rainky的「露點戲」即成為焦點。不過 Rainky卻對記者表示戲中露點戲是替身,令導演翁子光不滿。「電影公司覺得 Rainky『露點』引到觀眾入場,本來叫佢唔好講露點戲係搵替身,但 Rainky媽咪睇完優先場後被嚇親,責罵 Rainky係咪露點,搞到佢要四圍同人解釋,避免家人與親戚誤會。」知情人士透露。

翁子光覺得 Rainky成日提住冇露點,令電影賣點減弱,於是他在微博公開鬧她「幼稚和唔專業」。 Rainky亦不甘示弱,在微博還拖,強調自己「有底線」,之後再話:「我也要給家人和朋友一個交代。」

面對導演指責, Rainky無奈地表示:「始終我係新人,有問題一定要先解釋,要對屋企人有交代。我相信觀眾睇完套戲會明白三級場面只係表面,導演其實係想表達嗰種寫實嘅感覺。」

至於翁子光亦默認不滿 Rainky:「其實 Rainky唔使下下提住有冇露點,我覺得太刻意。我都知佢仲係細路女,驚家人誤會,後來都面對面同佢講過,依家冇嘢」

冇得唱主題曲

由於 Rainky戲中飾演啞女冇對白講,為了補償,監製伍健雄同導演翁子光原本答應 Rainky主唱電影主題曲。 Rainky經理人公司更找了鄧智偉製作主題曲〈無話可說〉,拍埋 MV,共花了十多萬製作費。不過〈無話可說〉最後卻被抽起,無緣成為主題曲。

「呢部戲有一名投資者,佢好冧 Rainky,仲買過三百本 Rainky寫真。不過 Rainky唔想佢誤會,刻意疏遠佢。所以個投資者嬲咗 Rainky,改變主意,唔俾 Rainky唱主題曲,寧願用舊版《𡃁妹仔》嘅歌。 Rainky好唔開心,伍健雄都幫過口,不過都講唔掂。」

記者就此事詢問 Rainky經理人文滌,文滌句句有骨:「投資者冇咁小器啩?不過冇得唱主題曲,我就真係好似歌名咁,『無話可說』嘞!」

替身代露點

很多女星拍戲性感冇問題,但講到露點就冇得傾,當年葉子楣及米雪,都試過俾替身「移花接木」,無啦啦變成露點女星。

葉子楣

葉子楣雖然是著名三級片女星,不過她從未露點。《玉蒲團之偷情寶鑑》宣傳時號稱葉子楣首次三點全露,但其實她和徐錦江的露點肉搏場面,全由替身代勞。

米雪

米雪憑《家好月圓》成為視後,之後網上流傳一批疑似米雪裸照。其實照片來自 80年代電影《一脫求生》,米雪在戲中與男主角陳惠敏有激情戲,亦有側面露點鏡頭,米雪稱裸露鏡頭由替身演出。



鍾意就快D Share啦!