掃呢頁CODE去手機

2014年6月12日 星期四

[壹週刊 1266] 布吉遇怪浪 藍莓飛 bra 藍莓,劉俐,M1,




藍莓於布吉的沙灘拍寫真,除了自攜 34C導彈曬太陽,當然少不得騷玉背。

探熱針

布吉遇怪浪 藍莓飛 bra

書展七月又開鑼,今年加入混戰的味之天使藍莓(劉俐),上月中到泰國布吉拍寫真,自備 34C重型導彈同陽光玩遊戲期間,著住 tube top泳衣的她,差點被大浪沖甩 bra,搞到走奶益街坊。

乳貼頂住

數年前與一眾味之天使出過集體寫真的廿四歲藍莓,今年單拖上陣,特別興奮。

「上次一大班女仔一齊,感覺似玩多啲;今次唔同,為二十四歲留倩影,想將自己最真實嘅一面俾大家睇。」藍莓說。

在泰國五日四夜,撞正當地軍事政變。

「始終同我哋影相嘅地方距離好遠,一啲都感覺唔到有危險,其他遊客都一樣,享受陽光海灘。」

危機不在於政局,反而來自藍莓隨身攜帶的 34C武器。

「其中一日搭船去皇帝島影相,落到水就出事。我件泳衣係有條帶綁住頸,但攝影師覺得唔綁帶會靚啲,但嗰日太大浪,影影嚇件 top就俾浪扯起咗,好彩我有用乳貼,但附近嘅遊客已經見到我走光,唯有第一時間將件 top拉番好。都好尷尬,但我扮鎮定,繼續影相囉。」藍莓說。

自言大頭蝦的藍莓,經常發生甩轆事件,胸罩移位濕濕碎。

在皇帝島拍攝期間,突然被大浪襲擊,令她走光人前非常狼狽。

醫好抑鬱

整個寫真之旅,藍莓自稱在寬衣解帶中找回坦蕩蕩的自己,甚至鬱了一年的心病也復元了。

「其實過去一年發生好多事,有啲負面新聞,加上私人感情同屋企嘅問題,好多嘢加加埋埋,我唔想同屋企人講,連朋友都唔想,整整嚇就匿埋自己,少咗同人溝通,表面扮開心,其實自己承受好大壓力,情緒都有問題。但透過影呢本寫真,我喺過程中搵番原來嘅自己,真實嘅我其實好開朗活潑,過去一年只係迷失咗,而家好多嘢都放低,開心咗好多,搵番自己。」

拍寫真醫好情緒病,走光都抵曬。

陽光海灘下,藍莓聲言將不開心事也放低,連抑鬱情緒都醫番好。

藍莓為二十四歲的自己留倩影才影寫真,主題係追尋夢想。

幾年前以一眾味之天使齊齊出寫真,可惜之後無以為繼,在娛樂圈難以發圍。

在《衝上雲霄 2》,藍莓(右一)與岑麗香一樣要著泳衣曬身材。

藍莓暫時在圈中最令人印象深刻的一幕,應是她在《衝上雲霄 2》有幸與 Chilam纏綿的一幕。

識佢乜水

每年書展,必有𡃁模寫真「幹擾」市場,由當年 Angelababy、滴雪糕周秀娜到浸大 E神、趙碩芝等,但講到𡃁模名氣,吸引度已大不如前。今年寫真戰,得幾個叫做勉強有人識。

蕊蕊

09年跟藍莓以「天使」身份出團體寫真的蕊蕊,今年單拖挑戰舊戰友。被金剛私有化多年的蕊蕊唔理男友感受,倒 34E打仗。

黃榕

作為「寫真界元老」,連續四年有參戰的榕姨唔怕被攻擊年紀大,依舊倒奶之餘更加插跳舞主題,加入拿手的鋼管舞同全裸彩繪元素,又跳又畫又剝,辛苦曬!

仙樂都

跟黃榕同樣年過三十的仙樂都,明知嘜頭唔夠砌,專程到布吉取景的寫真會加埋旅遊資訊,將寫真變旅遊指南,睇下有冇人吼!

AD2

一向以 cheap同騎呢見稱的 AD2,今年亦趁高興。但無論點倒奶點搏,自然流露的騎呢,始終是精髓。



鍾意就快D Share啦!