網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年6月26日 星期四

[壹週刊 1268] 谷「行」做 OL 李蘢怡:有人覺得我好慘! 李蘢怡,M1,




轉做 sales後,李蘢怡用回自己的真名李宜錚 Oliviia。

探熱針

谷「行」做 OL 李蘢怡:有人覺得我好慘!

曾被捧為新一代性感女神的李蘢怡( Tiffany),年前與星皓電影解約後,現已轉行做珠寶 sales。

「有時見番啲圈中人,佢哋會露出覺得我好慘嘅樣,勁尷尬咁!我喺呢個圈已經歷咗好多嘢,開心就唔會走!依家我好開心!更加無諗過要入番呢個圈!」 Tiffany說。

車都賣埋

近日在一個珠寶展上,有圈中人撞到已經退出幕前的李蘢怡,昔日性感女神,即使轉行做 OL,仍谷行 36D,落力 sell客。

「娛樂圈唔啱 Tiffany性格,再等落去,都係浪費時間。佢一向對珠寶都有研究,仲讀埋 GIA珠寶鑑證文憑課程,依家喺間珠寶公司做 sales同公關,朝十晚六,又要困喺 office,同以前夜瞓晏起生活好唔同,但佢做得好投入!」 Tiffany友人說。

做 sales已經一年,完全放低昔日生活習慣, Tiffany連七人車也賣掉,每天坐巴士返工。

「冇做娛樂圈之後, Tiffany去咗中大讀 Fashion Design,以前用七人車係方便開工,唔做養車反而煩;嗰段時間佢仲去過檀島見工賣包,諗住兼職賺啲外快, Tiffany咁大個女第一次填履歷見工,雖然 auntie最後都唔俾佢做,但就知 Tiffany決心離開娛樂圈,唔係得個講字。」

唔做幕前,但 Tiffany的狀態跟以前沒有兩樣,出席公司活動,更 set到行。

上週五,李蘢怡到 GIA報讀「珍珠鑑證」課程。

報完名,再行過太子大廈的 Oliver購物,其間不停講電話。

09年簽約星皓的 Tiffany與同公司的傅穎、劉心悠出席活動。

做藝人時,有自己的七人車和司機接載開工。

午飯時間只得一粒鐘, Tiffany與同事食完快餐,再到雪糕店食特價雪糕。

做過 model的李蘢怡,出道初曾簽約阿叻的 Stareast。

雖然有個富媽媽,但李蘢怡搭巴士返工放工。

有米蘢媽

Tiffany父母早年離婚,蘢媽鄭玉而(原名鄭玉嬋)之後再婚,後父是投資老手,兩夫婦高峰期坐擁廿幾個物業。屋企有財力,富貴人脈多,將來 Tiffany賣自家設計珠寶,不愁客路。

出自家設計

連日所見,李蘢怡每日準時一點離開在中環的公司外出與同事一起食快餐,十分規律。上週五(二十日),如常一點外出的她,一個人行去附近華人行,上 GIA報讀珍珠鑑證課程。

「 Tiffany做嗰間珠寶行老闆係以色列人,賣嘅全都係獨一無二款式,佢已經計劃好,讀完珠寶設計文憑後,就試嚇推出自己嘅 design!」

對轉行做 sales, Tiffany並不避忌。「我好開心能夠轉到行,呢個機會唔係人人有,我只想做個普通人。」

有指 Tiffany提前與星皓解約,與當時同公司的傅穎不和有關。

「我唔會不滿人,唔做係因為自己理由,我有個好嘅經理人,可能欠運喺呢個圈,我搵唔到被需要嘅感覺,覺得無機會發揮,咁我都做咗超過十年,唔可能再留喺度等機會!」

有個富貴阿媽,李蘢怡放假出海,生活始終有別一般打工仔。

穿上泳衣,露出昔日的蓮花大紋身。

日日朝十晚六的 Tiffany,與同事企街講公事,講足十五分鐘。

唱好劉心悠

唔願提傅穎,但對也是同公司的劉心悠則盛讚。「心悠係我好欣賞嘅人,又靚又聰明,份人仲好好,你從無見過佢有唔好嘅新聞,有時我都羨慕佢有咁多廣告,但佢真係形象健康嘛!依家有人話要搵人去 event,我一定提議搵心悠,唔會諗第二個!」

時至今日, Tiffany偶然亦會撞到圈中人。「好奇怪,佢哋見到我,會露出一種我好慘咁嘅表情,好似覺得乜你冇得做嗱!我想講我喺呢個圈經歷咗好多嘢,依家搵到自己理想,會一路做落去!」

對於將來會否由媽咪打本推出她的珠寶系列, Tiffany強調會以媽咪做目標。

「媽咪都做咗嘢幾十年,有時都覺得佢好辛苦,自己係時候要做番啲嘢!媽咪白手興家,我覺得我唔會做唔到!一步一步嚟」 Tiffany說。

性感女神

模特兒出身的李蘢怡,憑 36D豪乳身材被阿叻(陳百祥)睇中, 02年簽約 Stareast。 03年, Tiffany大解放著三點式為張玉珊的「修身堂」拍廣告,噴血身材威力下人氣急升,風頭一度蓋過波神朱茵,之後因掛住拍拖,暴肥兼封胸,事業下插,被飛出代言人行列。 05年與男友分手後, Tiffany痛定思痛,還自嘲「波大無腦」,獲張玉珊再次重用,自此,每次出席公開場合都性感露半球,成功重奪性感女神之位。



鍾意就快D Share啦!