掃呢頁CODE去手機

2014年6月23日 星期一

基仔貼BB相 準備展開人生另一頁?




基仔貼BB相 準備展開人生另一頁?

2014-06-23 14:47:00



基仔貼咗張BB相,再配埋《我生》中歌詞。

古巨基同佢位得力助手女友Lorraine拍拖20年,有傳佢哋將於今年12月14日拉埋天窗,結束愛情長跑,雖然當事人一直冇承認此事,但從基仔近日為MOOV音樂APP全新嘅「LyricSnap!TM」功能中,就或多或少感受到,佢經已準備好開展人生新一頁。

令次新功能係將歌曲、歌詞同相片結合再分享,基仔揀咗歌曲《我生》中歌詞:「人其實怎麼長大 怎麼懂性 有那位必須尊敬 為何要說話無權大聲只聽指令」,再配上佢自己BB相製成,基仔解釋:「歌曲係關於人嘅誕生,自己到咗某個年紀,慢慢累積咗經驗之後,會問『人生是什麼?』,見到身邊好多朋友都生咗小朋友,小生命嚟到世界,又會好奇『人生是什麼?』」基仔覺得呢個階段嘅感覺好奇妙。

另外同醫生男友感情穩定嘅官恩娜(Ella),就認為每個人生階段都值得去紀念,佢話:「如果我真係嫁得出,我會用揀彭羚的歌曲『給我愛過的男孩們』,歌詞係多謝曾經愛過自己的男孩,希望祝福自己找到真命天子,相就用自己結婚相啦。」



基仔話:「自己到咗某個年紀,慢慢累積咗經驗之後,會問『人生是什麼?』。」咁人生係乜嘢呢?



有傳基仔今年12月與助手女友拉埋天窗。



Ella認為每個人生階段都值得去紀念。





鍾意就快D Share啦!