戀鄭敬基慘遭數臭 瑪姬被指整容做小三
戀鄭敬基遭數臭 瑪姬被指整容做小三
現年27歲的DBC數碼電台DJ瑪姬與51歲鄭敬基廣傳忘年戀後，瑪姬即時人氣急升，有讀者報料數臭瑪姬是非，指她是膠面DJ進化勁過陳冠希舊愛Cammi（謝芷蕙），又指瑪姬數年前曾做第三者，雖然對方有老婆有仔女，但好勝瑪姬都要向正印逼宮，平日又愛扮基督徒兼扮純情，今次借「基」上位目的是想再出碟。
■鄭敬基與瑪姬日前拍拖撐枱腳。資料圖片
好多有婦之夫追求
本報記者昨日致電瑪姬求證，她連聲否認曾做小三：「我拍過5次拖，男友全部都係未結婚。」問曾否被有婦之夫追求？她坦言：「有，好多㖭，有啲有太太有小朋友嘅，最荒謬有個新加坡華僑飛嚟香港追我，佢話畀我聽有另一半，好奇怪，你當我係乜？自己都好嬲，我係拒絕過幾位有太太嘅男士追求。」
【10年包包面】
■4年前包包面的瑪姬被爆疑似整容。圖片
【𠵱家面尖尖】
■瑪姬因搭上鄭敬基即出現負面新聞。 資料圖片
至於被指借鄭敬基上位做歌手？瑪姬說：「兩年前自資出過single，用咗5萬蚊，如果要借人出位，唔使咁辛苦，可以再好啲，我唔係咁嘅人。」瑪姬亦否認整容，她自嘲說：「如果整咗仲咁樣，醫生執得笠啦，一直覺自己塊面太大，好多美容公司話免費幫我整，我全部推曬，因為我同爸爸面形一樣，佢喺我20歲時離開，我好想保留同爸爸一樣嘅嘢。」
瑪姬逐一推翻是非指控，她說：「話我扮基督徒，應該從我9歲開始講。9歲已經領洗，讀天主教學校大，有啲嘢不攻自破，我一直做番自己，唔覺自己特別純情。」問跟鄭敬基有否進一步發展？她說：「暫時都係朋友，最近好忙，呢幾日冇見。」
採訪：皓騫
【622公投 我撐普選】毅行直播
流動版網頁:
http://622popvote.appledaily.com
|
鍾意就快D Share啦！
|
|
|