網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年6月11日 星期三

[FACE 368] Angelababy醜女 MK格 Angelababy,楊穎,MF,




今次接拍《失》片, Angelababy都要化妝,不過就要愈化愈醜,呢個擘髀、大眼袋兼浮腫樣,你哋見過未?

FBI

Angelababy醜女 MK格

由影帝張家輝、鄭秀文( Sammi)仲有楊穎( Angelababy)主演,卓韻芝執導嘅愛情笑片《失戀急讓》,嚟緊 8月就會上映。

出道至今都係靚字行先,集萬千寵愛在一身嘅楊穎( Angelababy),今次就做一個滿面雀斑兼有黑眼圈嘅速遞員,而地產經紀張家輝(項少龍)就演 Baby老豆( 46歲家輝生得出 25歲 Baby)。 FBI八到,今次 Baby為咗要扮演生活喺社會基層嘅速遞員阿黑,唔介意淡妝,仲要喺面上加雀斑同埋汗毛等,總之有咁 MK得咁 MK,導演卓韻芝已經講明:「 Baby喺戲入面會非常搞笑。」

至於演佢老豆嘅張家輝,今次繼續放笑彈,仲要拍住傻大姐 Sammi。 Sammi就話:「我本身個人都好忍得笑,但係見到家輝就真係忍唔到,有場戲我真係忍唔住 roll緊機都爆笑咗出嚟!」 FBI仲八到 Sammi最後會同咗家輝一齊,亦即係做 Baby後母,戲內家輝同 Sammi仲會有不只一次、不只一秒嘅床戲。呢輪啲新聞唔係殺人就係倫常慘劇,係時候睇嚇笑片減壓,好過發洩喺屋企人身上呀!

雖然未知內容講乜,不過突然攞起個避孕套嚟舔,算係佢從影以來最大膽。

最常見都係 Sammi同劉華咀嘴,今次換咗張家輝,可能仲爆笑。

點解冇端端要加入歐豪(左一)呢位內地演員?想攻入內地市場嘅策略,唔使 FBI多講啦。

喺湖南衞視節目《快樂男聲》得過亞軍嘅歐豪,今次一出道就拍住影帝家輝、 Sammi仲有 Angelababy,戲入面佢就飾演同佢本身個款都幾相似嘅富二代,同 Baby有感情線。



鍾意就快D Share啦!