掃呢頁CODE去手機

2014年6月11日 星期三

[FACE 368] 被唱姦夫淫婦賤人 已婚紅監製(文偉鴻)狂愛陳敏之 文偉鴻,BKD_S,陳敏之,MF,




《 My盛》監製文偉鴻

陳敏之和文偉鴻在各自的 Instagram內都有大量合照,被網友視為有路證據之一,陳敏之表示有睇過留言,覺得係一班人惡意攻擊。

封面

被唱姦夫淫婦賤人 已婚紅監製狂愛陳敏之

喺大台撈要靠人事是常識,做演員有高層愛錫得監製捧,更加如有神助,好似陳敏之俾新紮紅監製文偉鴻力捧,立即連拍三劇套套搶鏡。

不過已婚的文監製捧愛將過咗火,最近在微博便有人針對兩人的親密友好關係,瘋狂開帖攻擊,甚至鬧二人是「姦夫淫婦」同「賤人」,用詞好過分。週一陳敏之都話睇到「淫婦」留言,「我想嘔呀大佬!」唔想再受傳言影響,睇嚟要避忌嚇喎!



其他影片:>>敏之唔避忌






陳敏之同文偉鴻關係一向密切,已婚兼育有兩子的文監製在 12年坐正後,由他監製的三套電視劇包括《法網狙擊》、《 My盛 Lady》及還未出街的《使徒行者》套套重頭,陳敏之雖非第一女主角,但角色設定例必有性感位搶鏡位,文監製亦成功打造陳敏之變長腿女神。

鬧淫婦

陳敏之唔知得罪乜人,去年 11月在網上遭人狂鬧「姦夫淫婦」,又以「賤人」稱呼,陳敏之說:「唔係講到咁呀?」

傳離婚

除了內地微博,在維基百科內亦有人寫文偉鴻正因陳敏之而搞離婚,對此文偉鴻說:「我諗唔係囉!」隨時可編輯修改的維基,文監製要出手更正下喎!

關係密切

文監製熱捧陳敏之,在大台內已是公開秘密,「 Jazz(文偉鴻)一直都好欣賞 Sharon(陳敏之),佢坐正(升做監製)第一件事,就係諗方法捧紅 Sharon,聽講話想捧到 Sharon好似田蕊妮咁做視後。 Jazz好鍾意影相同拍嘢,就算家陣坐正好多時唔使佢落場,但每當有 Sharon場口, Jazz幾乎都會到場指揮同影相,有時就算 Sharon開緊第二啲劇, Jazz都會入廠搵佢,成個 TVB都知佢哋 friend」

監製捧自己愛將本屬正常,但在 12年 3月開始,網上卻有人指二人過從甚密,超出一般工作拍檔及朋友關係,在微博上更有人開多個帳戶包括「文偉鴻好愛陳敏之」、「陳敏之心疼文偉鴻」和「陳敏之滾出娛樂圈」等,帖文指二人關係非常,甚至大量列舉二人在網上互相打情罵俏的證據,指陳敏之因冧掂文偉鴻先有劇開,講到似層層。

網友除了指 2人關係非比尋常外,在維基百科上竟有人將文偉鴻的資料內容惡搞成「目前正在與妻子辦理分居手續當中,據有關人士爆料,因文與 TVB女星陳敏之關係密切,屢次一起外出導致分居。」甚至有網友直斥二人是「姦夫淫婦」及「賤人」,用詞離譜似乎好大仇口。

除了留言攻擊,更有網友在 12年於微博連開 2個帳戶諷刺二人,而留言者均為內地登記,好不尋常!

「我想嘔!」

雖然 35歲陳敏之一直有個達談婚論嫁階段的商人男友雷偉信,文偉鴻亦已婚,但始終聲譽攸關,週一( 9日),陳敏之出席活動時,對於種種網上攻擊很氣憤:「微博評論我一般都唔會睇,尤其一啲惡意嘅言論我都唔會擺喺心,之前我有睇過,跟住 block咗囉,我唔明啲人點解會咁講, Jazz係一個我好尊敬嘅監製啦,佢畀好多機會我!(有傳話佢為咗你搞離婚?)冇可能啦,我同佢太太、囝囝都識㗎,點會有呢啲嘢發生呢?真係好恐怖囉,我想嘔呀大佬!」

同日文偉鴻在電話中答得頗避忌,對於是否正跟太太辦離婚,文偉鴻說:「我諗唔係囉,我𠵱家做緊嘢!(同太太感情有問題?)冇問題呀!」說畢即匆匆收線。人言可畏,究竟敏之得罪咗邊個呢?

唔會避忌囉!(真實對白)

對於留言「諧音」疑似挑逗,陳敏之開頭唔記得,之後話:「冇乜特別啫,我都唔記得啦,我哋係好朋友,唔會特別避忌囉!」

文偉鴻由第一套監製的《法網狙擊》已經同陳敏之拍住上,陳敏之說:「好多謝佢俾機會我,我都好俾心機演。」

ig句句有味

諧音「大 look」挑逗

2年前 Jazz整傷手在 ig內自稱大劑,而陳敏之則留言「大 look」,玩諧音「甜 gag」,好挑逗啫!網上圖片

讚後生

文偉鴻係近年 TVB當紮監製,佢自稱「個樣呃得下人」,陳敏之亦和應「 too young」。網上圖片

笑似車震

一張車廂相, Jazz都可以形容為「在車震?」,有啲心邪喎!網上圖片

稱至愛

文偉鴻愛影陳敏之,又讚佢係收視福將,陳敏之亦回應話「全靠我的至愛@Jazz boon」!網上圖片

搏命影

文偉鴻連陳敏之拍其他劇亦有去探班,影親陳敏之都特別有心機!網上圖片

老婆神秘

95年加入無綫任編劇的文偉鴻,已婚兼育有兩子,但據 TVB幕後透露,文偉鴻甚少帶太太出席公司同事活動,亦少有提及太太,對家事很低調。

雖然跟陳敏之友好,但在去年 7月, Jazz亦有在 ig內多謝太太體諒,更說對老婆「保證愛不完」。

文偉鴻育有兩子,在自家 ig內亦愛貼兩個愛子照,其中一張文監製罰兩兄弟企,陳敏之亦有留言:「 So cute! But poor!」網上圖片

捧盡三套劇

12年先升至監製的文偉鴻,套套大製作算是近年當紅監製,由首部監製劇集《法網狙擊》開始,陳敏之已在劇內盡展美腿所長,之後的《 My盛 Lady》及未播出的《使徒行者》,雖非掛名第一女主角,但陳敏之角色搶鏡程度亦絕對唔失禮,拍《 My盛》時更一度傳出徐子珊不滿陳敏之戲份太多而鬧不和。

臥底妓女

在《法網狙擊》中,陳敏之飾演性感妓女臥底搶曬鏡,成套劇陳敏之都幾乎以短裙上陣,甚至被森美摸胸都冇所謂。圖片

搶鏡袁萱

至去年的《 My盛 Lady》飾演袁萱,角色設定比女主角徐子珊更討好,一場沙灘泳衣演出更加出盡風頭,拍攝當日文監製(右)當然有落場。

爭贏阿佘

到尚未播出的《使徒行者》,陳敏之本安排同森美及林峯有感情線,但森美因病辭演換成沈震軒,一樣無損陳敏之搶鏡位,最後林峯更放棄阿佘而情投陳敏之。

嫁人齋噏

男友雷偉信一向低調,上月遭雜誌影到二人行街拍拖,雷偉信即極速彈開。圖片

陳敏之與經營燈飾生意的男友雷偉信( William)拍拖 10年,幾乎年年傳婚訊,但體弱多病的她每次都否認有好消息。早前忙拍《使徒行者》大呻冇時間見男友,其後發表結婚宣言,表示有意喺馬年結婚:「可能揀啲陽光與海灘嘅地方結婚,但冇打算擺酒。」至於係咪又煲冇米粥,好快就知喇。

'10頸椎移位

10年拍《公主嫁到》時因頭飾過重導致頸椎移位, 11年拍《怒火街頭》又撞到鎖骨骨折,加上患紅斑狼瘡被傳停工半年。

'11面塌辭演

雖然男友養得起,但敏之事業心重唔嫁住;可是復工後去年健康再響警號,面塌搞到要辭演《食為奴》,令敏之覺得女人有個好老公緊要過事業,故決定去年尾結婚,不過到今年都未嫁囉!



鍾意就快D Share啦!