網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年6月11日 星期三

[FACE 368] 有前途 準老爺關照 王敏奕升呢電影女一 王敏奕,MF,




王敏奕自拍完中女劇後,頻頻出騷搵銀。她說:「最近多咗人搵,加咗少少價想快啲還曬去美國進修啲錢。」 12年王敏奕到紐約進修演戲,十幾萬學費由經理人麥曦茵(左)畀住先,𠵱家搵到錢梗係要還畀恩師。

真面目

有前途 準老爺關照 王敏奕升呢電影女一

大台中女劇落幕,但就成功捧紅劇中一班𡃁版女演員,令各少女版成功入屋,其中以𡃁版李麗珍王敏奕最搶,食住劇集個勢最近狂接騷。

王敏奕因拍中女劇兼跟曾志偉寶貝仔曾國祥拍拖引起關注,據知在 9月,王更會接拍由曾志偉監製的電影《兵》,擔正做「女一」,話冇未來老爺「睇住」都冇人信。

上年 12月亞太影展,王敏奕為電影《澳門街》宣傳,當時仲未同曾國祥拍拖,但咁啱同影展籌委會主席曾志偉一齊行紅地毯仲合照添。

網上圖片

中女劇播完,除令一班過氣中女翻身,亦令一眾少女版冒出頭。當中以 22歲𡃁版李麗珍王敏奕第 1個跑出,除了有演技,她更因與劇中監製曾志偉兒子曾國祥拍拖,而被傳受未來老爺特別「關照」,於中女劇戲分大增。不過上年中女劇開拍時,王並未同曾國祥拍拖,其實並冇明顯利益輸送跡象。

9月拍志偉新戲

王敏奕現忙拍其經理人執導的電視電影《曖昧不明關係研究學會》,跟一眾同門師弟妹合作,戲中同師弟梁曉豐談情。

網上圖片

但冇可否認,中女劇播出後,王敏奕食住個勢兼曾志偉「新抱仔」身份而人氣急升。除密密接騷,據知大台一眾監製都有意搵她拍劇,可惜最終都被王敏奕經理人麥曦茵推掉,原來王敏奕現時除於 J2主持節目《山系女行 Yama Girl》外,稍後便要全身投入電影工作。

王敏奕現正趕拍其經理人兼導演麥曦茵的新電視電影《曖昧不明關係研究學會》,踏入 9月更會拍準老爺曾志偉監製的新戲《兵》,導演亦係她的經理人麥曦茵。

「真係咁啱囉」

對於未來新抱,曾志偉曾公開表示:「個仔開心就得,佢同邊個拍拖,我冇意見。」但據知準老爺對同曾國祥拍拖半年的王敏奕相當有好感,知情者說:「個女仔做戲好又乖,最緊要個仔拍拖後成個定曬,志偉自然想幫下佢(王敏奕)」

週日( 8日)王敏奕出席東港城世界杯活動,記者向她提起 9月開拍新戲,王敏奕表現得相當興奮,「嚟緊會拍一套講觀音兵嘅電影叫《兵》……。」不過當記者提起《兵》係由曾志偉做監製時,站在王敏奕身旁的經理人麥曦茵即搶答:「其實兩年前已構思喇,嗰陣咩事都未發生,咁真係咁啱囉。」

王敏奕同曾國祥喺 4年前拍電影《囡囡》而認識,但當時因曾的身邊有拍拖多年女友,所以 2人冇下文。直至去年尾,曾同女友分手,王敏奕先同佢正式拍拖。

王敏奕經理人麥曦茵,當年初入行執導《烈日當空》亦係曾志偉監製,可見麥與王敏奕都得曾志偉提攜。

傳出因曾志偉關係,令王敏奕喺中女劇戲分大增,令王每次同未來老爺同場都有避忌。早前 2人出席中女劇大結局活動,王敏奕識做冇坐近志偉身邊。

一眾中女劇少女版,感情要好,喺中女劇結局當晚, 7位少女版因唔捨得,一齊攬住一齊喊。

好帶挈

中女劇入屋,令一眾少女版演員齊升呢。除王敏奕、陳嘉寶一星期執幾個騷外,就連舞台劇演員、少女版江欣燕賴慧玲都多騷接,她說:「以前一個都冇,𠵱家已經有 3個。」

陳嘉寶加價

食住中女劇個勢,除咗同王敏奕一齊主持 J2節目,亦狂接騷。她說:「加咗少少價,但都有好多人搵,已接起碼十幾個騷。」

網上圖片

賴慰玲 多騷

資深舞台劇演員,未拍中女劇前少人識,冇騷執,她說:「以前冇人搵,暫時𠵱家都有 3個騷接咗。」

網上圖片

陳瀅 開劇

中女劇飾演少女版陳慧珊,戲分較其他少,但深得監制陳維冠(左)賞識。月底以女律師為題材新劇,已預她演其中一位女角。

網上圖片

何廣沛 親生仔

少年版吳啟華,中女劇前為普通藝員約,月搵 5、 6千,但最近被大台邀改簽經理人約,終於捱到變「親生仔」,週日仲同大台愛將翠如 BB出騷。



鍾意就快D Share啦!