掃呢頁CODE去手機

2014年6月18日 星期三

[FACE 369] 晒腳芷晴低胸翠翠鬥控球 BKD_S,MF,




24歲

黃芷晴唔單只控得穩,上身無失手而下身仲可以騷長腿,唔怪得佢咁囂張舉曬勝利手勢啦。

FBI

曬腳芷晴低胸翠翠鬥控球

世界盃打到嚟,大家除咗關心足球戰況,周邊嘅波來波往, FBI都關心喎。

FBI上星期跑咗幾個世界盃活動,大會梗係叫啲星講嚇鍾意邊個球星、睇好邊隊等等指定動作,輪到遊戲環節先係最好睇。控球呢個動作睇得多,但係由女星嚟控就真係好少見。好似黃芷晴同埋葉翠翠咁,講真商場一定事先同藝人講明會玩咩, 24歲蔔蔔脆嘅芷晴當然著番件 tee穩陣頂波,反而大佢 8年嘅翠翠就 tube dress上陣,雖然翠翠已經成日㩒實心口,但一𠌥身就微微露出事業線!翠翠話:「我唔係驚走光,因為我好清楚,條裙好緊,一定唔會走。」下次不如試嚇心口控球,應該仲好睇。

 

32歲

由於著咗 tube dress,葉翠翠始終唔可以𠌥得太低,仲要抬高頭影相,呢個 pose其實有難度㗎!

𡃁模 Yumi(尹蓁晞)喺商場舉行嘅世界盃活動冇得控球,但就要著到森巴女郎咁款。之不過森巴女郎好熱情, Yumi就鬼咁生硬,唔怪得撈極唔紅。



鍾意就快D Share啦!