網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年6月18日 星期三

[FACE 369] 開騷扮韓仔 福山自爆冇着底 MF,




為答謝港迷熱烈支持,開騷中途,福山揸住大炮射槍,射出大會 T恤送畀現場觀眾,搞到全場 high曬。

FBI

開騷扮韓仔 福山自爆冇著底

憑日劇《神探伽俐略》翻 hit中、港、台嘅型佬福山雅治,上週六( 14日)起一連兩晚空降灣仔會展舉行首個港騷, FBI等唔切,第 1晚就去咗捧場。

首場觀眾大部分都係女 fans,福山當然唱盡冧女名曲,好似《神探伽俐略》主題曲〈最愛〉同鄭伊健曾改編成〈感激我遇見〉嘅原裝日文版〈戀人〉,之後福山更用一半國語唱出台劇《你照亮我星球》主題曲〈破曉〉,令現場觀眾拍爛手掌。

45歲福山,平時見佢斯斯文文,其實不知幾咁玩得,而且把口仲𠺘過油,當晚,福山不斷用廣東話讚香港歌迷:「好犀利呀!」,之後仲韓仔上身,用歪音廣東話大叫韓星必講對白:「一齊 high」不過最估唔到,係福山講日文自爆:「我到港當日,唔知點解香港媒體咁關心我會唔會著自己設計嘅底褲演出,其實我冇諗住著底褲㗎!」隨即用廣東話大叫:「冇問題!」其實福山一向愛講「有味」嘢,最經典係講過自己愛睇 AV,仲自爆試過在飛機上「打飛機」!猥瑣定率真?冇福山咁靚仔咁有才華就梗係咪亂講



FBI預咗福山一定勁唱情歌冧港女,但估唔到 45歲嘅佢都仲活力充沛,唱出多首勁歌。自稱唔著底褲(咪同周傑倫一樣?)開騷嘅福山,唱到興起時跳起兼當眾自摸,如入無人之境。

換衫時間,大會播出福山一張就快 2歲大嘅舊相。喺九州長崎出世嘅福山,話故鄉喺大戰時曾被原子彈破壞,當晚佢就唱出新歌〈樟木〉宣揚和平。

高大、靚仔、演戲掂、唱歌掂,福山其實仲好有音樂才華,呢晚佢就不時揸住電結他自彈自唱,有齊以上條件嘅歌手喺香港真係搵唔到。



鍾意就快D Share啦!