全城熱爆的娛樂八封新聞 & 時事趣聞 & 生活 + 趣聞
前幾日謝安琪出席航空公司活動，拎住雞蛋仔推廣香港，估唔到同首新歌又幾夾喎！
「 B餐」謝安琪不嬲都好率直，唔係點會為咗個小背心封面，就同傳媒反曬面。呢啲嘢其實同媽咪姐冇乜關係，但講開「 B餐」，真係要讚下佢對香港嘅關心。
周一（ 30日）晚，話曬臨近 7.1前夕，佢就忽然喺 YouTube發表新歌〈雞蛋與羔羊〉，歌詞仲好到肉講到明：「 A餐雞蛋撞石牆， B餐俯首做白羊」。首歌出咗未夠一日，點擊就超過 20萬。想講乜，你明嘅！ 不過呢，佢嘅微博就只 post另一新歌〈勢不兩立〉嘅 MV預告，但媽咪姐見到大部分回應都係讚〈雞蛋與羔羊〉。呢啲，咪民心所向囉！
趁 7.1前夕，謝安琪出新歌〈雞蛋與羔羊〉 MV，喺 YouTube唔只點擊率勁！歌詞寫到：「今天雞蛋撞石牆不怕壯烈下場決不退讓否則俯首做白羊」，港人應該最有共鳴。
謝安琪喺微博 post嘅〈勢不兩立〉都係新歌，但大家嘅關注去曬〈雞蛋與羔羊〉度。
有唔少網友喺微博讚謝安琪同監製周博賢合作嘅新歌〈雞蛋與羔羊〉，但相信唔使幾耐又被「河蟹」。
