掃呢頁CODE去手機

2014年7月4日 星期五

[忽然1周 988] 權相佑熱爆愛民邨 MW,




權相佑同樸河宣喺劇入面飾演一對夫妻,喺戲外溝通係好重要,權權都明白呢個道理,所以一 cut機就係咁同樸河宣交流。

媽咪姐

權相佑熱爆愛民邨

最近多股韓流襲港,先後有李多海、 FT Island主音李洪基,仲有「長腿 oppa」李敏鎬嚟香港出席代言活動(陣間揭去 P.94-96𥄫實喇!),加埋 7.1「維穩騷」韓流真係一浪接一浪。但係有一股暗流唔可以忽視!講緊邊個?咪就係男神權相佑囉!佢最近同崔智友拍緊新劇《誘惑》,仲嚟到香港取景,前幾日權權同劇中另一女角樸河宣喺何文田愛民邨開工。拍攝期間佢仲熱到除咗件外套唞涼,對胸肌若隱若現,加埋隻特大「老鼠仔」,媽咪姐見到都想嗌救命!拍拍嚇,圍觀嘅粉絲愈嚟愈多,仲有啲嘈㖭。不過, 37歲嘅權權見慣大場面,梗係處變不驚,仲揮曬手, nice呀!

狂野拉閘

今次《誘惑》呢幕劇情講述權權同老婆樸河宣去到愛民邨搵人,劇中權權仲激動到拍閘㖭!

呢幾日天氣熱到爆,身為泡菜國人嘅權權睇嚟好唔習慣呢個天氣,仲係咁噴止汗劑。

型過特首

終於拍完,除剩件 tee嘅權權,沿路同開曬門睇星嘅 C9揮手,受歡迎過特首出巡

銅記攬攬

老婆孫泰英唔喺身邊,周日( 29日)權權同樸河宣喺銅鑼灣拍攬戲零舍 free!

《蘋果日報》圖片

為 keep靚身形,媽咪姐真係無乜見權權食嘢,反而樸河宣成日喺車大啖食,豪!

崔智友未跌 watt

39歲嘅崔智友近年掛住拍拖,少咗拍劇,難得今次開新劇,嚟香港取景仲有 fans送花接機,威曬!



鍾意就快D Share啦!