網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月4日 星期五

[忽然1周 988] 紅館騷踩死敵場  Stephy薛凱琪惡鬥升級 Stephy,薛凱琪,鄧麗欣,MW,




回應酸溜溜

遭 Stephy加盟奪去「一姐」之位,薛凱琪故作輕鬆說:「呢間公司從來冇人叫我一姐,我亦唔會比較。」

娛樂喧

紅館騷踩死敵場  Stephy薛凱琪惡鬥升級

自 2012年開始坐穩「太陽娛樂」一姐的薛凱琪( Fiona),本來一直順風順水,得揸 fit人 Paco黃柏高力捧,嚟緊 9月更舉行紅館騷。點知半路殺出個程咬金,年初 Paco搵舊愛將鄧麗欣( Stephy)入公司,薛凱琪頓變二奶菜。

Stephy不但要做一姐,為凸顯地位,據知她早前𦧲Paco,要求做薛凱琪九月的紅館騷嘉賓,實行踩場贈興。對於 Stephy不請自來,薛凱琪企硬 say no。







興奮被力捧

對於強勢回歸被力捧, Stephy難掩興奮:「同番 Paco合作真開心,見番好多舊同事,未來會主力拍電影,同計劃出碟,我同 Fiona走唔同路線。」

Stephy與男友方力申在 2011年雙雙離開金牌大風,分別簽內地娛樂公司海潤影視及華誼兄弟,索性北上賺人仔。「方氏伉儷」在內地撈得掂,情侶檔商演價 60萬一場。而 Stephy拍劇亦有價有市, 10萬人仔一集走唔甩,收入遠比在金牌年代高,難怪早前她可在內地投資四百萬開時裝店,更連開 15間分店。

Stephy獨霸兩首歌

錢賺到了, Stephy一心回歸香港,為兩年後結婚作打算。年初她得恩師 Paco召回巢,有傳加盟費高達 1000萬簽三年。至於男友方力申,與華誼兄弟於月內完約後,亦會婦唱夫隨齊齊食回頭草。去年 Paco老闆周焯華太太在澳門搞活動, Stephy和小方還專程放假去撐場,十分識做。眼見對家雙劍合璧,勢孤力弱的薛凱琪,一姐地位隨時不保,九月自己所開的紅館騷,亦慘變成 Stephy和方力申的「強勢回歸」舞台。

本刊收到消息,本身與薛凱琪只是點頭之交的 Stephy,早前私下多番向 Paco提出,要擔任薛凱琪的演唱會嘉賓,明贈興實踩場。知情人透露:「 Stephy同阿 Fi差唔多時間出道,咁多年兩個冇乜點合作過,就算大騷見到都係 hi同 bye,所以公司啲人知佢要求做阿 Fi個唱嘉賓都好奇怪。 Stephy仲叫 Paco俾兩首歌佢 solo,又話搵埋小方(方力申)上台,實行情侶檔搞 gimmick(噱頭)。佢咁做擺明搵阿 Fi笨啦,不過 Paco當佢係女咁,唔想托佢手踭。而 Paco亦覺可以藉呢個騷,掹一掹 Stephy人氣,話曬佢長時間冇喺香港露面。」

對家暗暗出招,近日積極備戰演唱會的薛凱琪,揀衫、揀歌,以至請嘉賓均一腳踢,自己落足成擔心血,不惜得罪 Paco都堅決 say no。「 Paco軟硬兼施,話嘉賓上台唱兩首歌好正常,不過阿 Fi話如果要搞情侶檔,自己一樣可以搵房祖名,死都唔肯俾 Stephy上台, Paco暫時都冇佢符。」

性感造勢

一直走保守路線的薛凱琪,為演唱會仆心仆命,日前更賣弄性感,推出新歌 MV為演唱會造勢。

拉攏男友

Stephy與方力申早年返內地𢱑銀,今年女方又拉攏男友回歸 Paco旗下,二人將齊上 Fiona的演唱會壯聲勢。

新片換女角

薛凱琪兩年前離棄一手捧紅她的華納,她舅父 Peter更是華納高層,卻以 600萬簽兩年轉會到太陽娛樂。薛身邊人透露:「前年阿 Fi爸爸證實患心臟病要籌醫藥費,阿 Fi負擔好重,咁啱 Paco出得起錢。而 Paco講明會幫佢歌影雙線發展,話公司有澳門大水喉全力泵水,所以阿 Fi先肯過檔。」

奈何如今 Stephy步步進逼,早前彭浩翔籌備新戲,本來由阿 Fi做女角,現時則由 Stephy頂上。心有不甘的薛凱琪,早前就對公司講明,其兩個助手絕對不能與其他藝人共用,壁壘分明。

對於被搶一姐地位, Fiona日前回應指:「公司無分一、二,況且都冇人叫我一姐。」甚有酸溜溜意味。而 Stephy則堅稱:「我哋走唔同路線,我會主力拍電影,亦計劃出碟。」嚇!咁豈不是玩曬?至於 Paco則回應說:「都未排練,未安排邊個做嘉賓。至於佢哋爭一姐…… Stephy都簽咗一段時間,仲講呢個話題?」

巴結舊愛

一直有傳 Fiona因與房祖名分手而患抑鬱,但事過境遷,女方今次開騷,出盡牙力𠱁前度做其演唱會嘉賓。

不懂中文的 Fiona,為令自己更易記樂譜歌詞,出動英文拼音加公仔雙管齊下,方便記憶。

9月才開騷,但 Fiona於半年前已開始練舞,不容有失。

冇乜偈傾

Stephy與 Fiona差唔多時間入行,最初二人同樣走清純玉女路線,而多年來,二人鮮有合作,出席公開場合亦只屬 hi-bye friend,冇乜兩句。

今年農曆年 Paco夥公司仝人賀新春, Fiona與剛加盟的 Stephy企正老闆旁,表面和諧,實則鬥餐死。

演唱會未爆

上次演唱會,薛凱琪曾揚言門票試過炒到六、七千蚊;但周二( 1日),記者走訪城市電腦售票網,發現其演唱會門票,售價$580及$380銷情未算理想。

女星愛鬥大

有女人的地方就有是非,多年來唔少女星在同一公司都會爭餐飽,不論紅唔紅都鬥一餐。

Sammi•千嬅

95年楊千嬅倒模 Sammi入行,有傳已令 Sammi不滿。早年千嬅加盟嶽少旗下與 Sammi同公司,有傳二人試過爭紅館檔期而面左左。

謝安琪• Kary

11年尾吳雨霏加盟環球,即有傳與同公司的 B餐 Kay爭一姐,更有傳 Kay不滿公司將大量資源投放在 Kary身上。

Stephy•傅穎

Stephy與 Theresa在 Cookies年代已傳爭位鬧不和,偶有隔空互寸,有指 Theresa一直眼紅做隊長的 Stephy。

關心妍•欣宜

當年關心妍與欣宜同屬星煥國際,有傳 Jade不滿公司偏袒欣宜,又未為自己舉行演唱會,一年生約後即走人。



鍾意就快D Share啦!