[忽然1周 989] Chilam開騷俾女摸 靚靚爆喊監場 Chilam,袁詠儀,靚靚,張智霖,MW,

唔好再摸喇！（設計對白）

俾咁多 sexy女 dancers摸身， Chilam嘅表情已經話你知佢有乜感覺。台下 fans要求除埋佢，佢就話：「除咗啦，仲想點？做死人咩！幾個月冇食嘢喇！」

媽咪姐

Chilam開騷俾女摸　靚靚爆喊監場

呢輪興中佬爆肌，點少得型爆嘅「 Cool魔」張智霖嗰份！周日（ 6日）開始舉行一連三場《 Chilam Crazy Hours Live》演唱會，為咗呢個騷，佢真係戒曬口，仲搵咗張家輝個魔鬼教練 Michael做 gym操肌，排朱古力同人魚線，唔係畫㗎！

其他影片：>>靚靚有鋪「面壁」癮

Chilam開場冇耐就剝，唱〈尋開心〉仲 high，俾幾位 sexy女 dancers幫佢[衣同解褲……頭粒鈕，上身赤裸裸露腹肌，下面人魚線同 Calvin Klein底褲邊隨便睇。唔使講， fans嗌到癲咗！有幸被點名上台做嘉賓嘅魯芬 BB，就擺明飛擒大咬，攬完仲錫頸。呢一下「重口味」，媽咪姐真係想講：「我不禁倒抽一口涼氣！」

老婆袁靚靚見到咁，第二晚就即刻上台睇實，仲多謝老公為頭家付出好多，喊住話：「我去完青島拍戲返到香港第一晚攬住佢！點知佢鬱都唔鬱，哄埋去錫佢，只聞到藥油味。」呢啲咪男人味囉！

知道老婆眼淺， Chilam好醒目拎定紙巾俾靚靚擦眼淚。

呢個擁抱，包含咗千言萬語，靚靚話以前人人叫 Chilam做「袁詠儀老公」，依家就變咗叫佢做「張智霖老婆」，好安慰。

靚靚知道有機會上台唱歌同繞場一周握手，話驚老公反悔，即刻去買戰衣。睇落透咗啲喎！

Cool魔硬硬哋

Captain Cool出場，型就梗㗎托住女 dancer呢一下，以乎有啲吃力。

魯芬 BB一上台就大嗌：「 Chilam，我要！」原來係錫頸，個唇印好 sharp！

鍾意就快D Share啦！

下一篇 》