掃呢頁CODE去手機

2014年7月18日 星期五

[忽然1周 990] 謝霆鋒做咕喱搵食 霆鋒,謝霆鋒,MW,




本來只係想放長假鑽研廚藝嘅霆鋒,俾 Mani順勢搵佢拍《十二道鋒味》,點知一煮就用咗 8個月時間。

媽咪姐

謝霆鋒做咕喱搵食

媽咪姐識咗謝霆鋒十幾年,可以講睇住佢大。仲睇住佢做咗人老竇之後,性格變晒,黐家又鍾意煮飯,真係估佢唔到囉!







上年佢忽然戚起條筋,用咗 8個月時間環遊世界拍飲食節目,聽落好似好疏乎咁。但出發之後,霆鋒唔只包辦買餸煮飯,仲要做埋咕喱幫攝影組搬器材。有啲地方係揸唔到車,要用腳行或者踩單車,坐索道落海捉魚。經理人 Mani去完呢個 trip返嚟呻到爆,話個樣老咗 10年!不過節目有咁多靚女嘉賓俾面陪玩陪食,又拎住阿公錢去試菜,等價交換

呢兩位咁騎呢嘅阿叔,其實係張家輝(中)同謝霆鋒(右),為掩人耳目,喬裝去九龍城街市買餸。但咁嘅樣,好難唔令人望多幾眼。

瞓身演出

霆鋒同 Angelababy去澳門拍飲食節目,喺 3日 2夜入面,捉咗女神上旅遊塔。咁危險,有冇問過黃曉明㗎?

雖然拍得辛苦,但有時都好 so嘅。霆鋒同范冰冰影宣傳相都做到咁,想點?

唔明點解旅遊飲食節目要扮熊,霆鋒都冇解釋。真係佢鍾意

阿 Sa同霆鋒鏡頭前好型咁捉魚,鏡頭後嘅阿 Sa嚇到想喊。

體力挑戰

飲食節目唔一定輕鬆,謝霆鋒為搵食材,攀山涉水抬單車托器材,睇見都戥佢辛苦。



鍾意就快D Share啦!