網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月18日 星期五

[忽然1周 990] 夜店投資凍過水 孫耀威制服 P救亡 孫耀威,BKD_S,MW,




制服女埋身

靚仔搞酒吧,囡囡圍住是常識。不少靚女搭住孫耀威膊頭兼黐到實,老孫亦來者不拒。

娛樂喧

夜店投資凍過水 孫耀威制服 P救亡

41歲的孫耀威( Eric),近年轉戰商界,去年在台灣微風廣場及上海新天地開設酒吧,但台灣店開業一日,就因牌照問題而遭封舖。老孫千萬港元投資,隨時凍過水。

本刊在一些私人的 fb,發現孫耀威的攬女相。原來投資成千萬的上海夜店,老孫捱足半年才見收支平衡。為催谷生意,他不但長駐上海睇住盤數,還要做埋生招牌,搞 l搞制服誘惑吸客,更親自揀駐場 PR及拳手,日日在索女堆中混,正印女友陳美詩真係要睇緊啲。








男友開酒吧奉旨攬女,美詩除了睇緊啲,仲可以點?

明星開酒吧夜店,不但有錢賺,更有得玩有女嘆。本刊在一個私人 fb中,發現不少孫耀威穿上校服的攬女相,不少索女主動埋身,睇見都戥老孫的未婚妻陳美詩牙煙。

雖然奉旨攬女,但這盤生意亦不是風流快活咁簡單,皆因孫耀威最近受官司纏擾,千萬投資分分鐘凍過水。孫耀威去年投資千萬,與微風廣場合作在台灣開酒吧「 C A Club」,一心想做酒吧大亨。可惜台灣酒吧開張當日便遭封舖,原因是開舖的場地,原來不可用作開食肆。孫耀威即與微風打官司,追討賠償,但微風只肯賠償百萬港元,孫堅持追回全數損失,雙方訴訟費恍如燒銀紙。

自度制服誘惑

台灣店出事,而他投資 4千萬的上海夜店「 C A Club」,情況亦不見樂觀。由於新天地租金昂貴,同行的競爭亦十分劇烈,開業半年他亦只能做到收支平衡。為了催谷生意,孫耀威惟有大搞噱頭。「 Eric親力親為,連揀拳手同 PR都自己嚟,諗頭又多,好似搞制服誘惑都係佢嘅主意。 Eric一有時間就會落酒吧做生招牌 sell客,有時佢仲會碌人情卡,叫啲相熟嘅朋友撐場,務求搞旺個場!佢為咗生意,依家連婚都話唔結住。」知情者透露。

因為生意燒銀紙,孫耀威去年抽時間再做幕前,他拍台劇《女王的誕生》,希望催谷自己在台灣及內地的人氣。

上周三,孫耀威返香港拍新歌〈叛侶〉 MV。一向走深情王子形象的他,突然玩情慾,在 MV中與女主角雷瑟琳激戰連場,惹來大批傳媒追訪。他向本刊承認緊張上海夜店生意,每日查數兩次,又表示搞制服派對已知會陳美詩。

記:上海酒吧開支大?

孫:租金連人工,每個月接近一百萬港幣皮費,所以我都好緊張,每日逢深夜十二點半、四點半我都要同事匯報生意額。

記:你落埋場谷生意喎!

孫:係呀!每次我放相喺微博,都有 fans落嚟。

牀戰吸睛

孫耀威拍攝新歌〈叛侶〉的 MV,找來在台灣有「小鍾楚紅」之稱的雷瑟琳做女主角。兩人的激戰場面,令老孫成功吸睛。

孫耀威多年冇拍劇,去年開始因為要谷人氣,他接拍了台劇《女王的誕生》,不惜被楊謹華胸襲。

為了撲水搵錢,孫耀威成日要周圍飛,更試過因為連續搭飛機,搞到他暈機浪。

唔怕女友呷醋

記:見到你搞制服派對谷生意,仲有女攬喎!

孫: Macy(陳美詩)全部都知,佢唔會呷醋,下星期又會搞制服派對

記:親自揀拳手?

孫:我哋冇拳手,只有男公關及女公關,佢哋來自世界各地。仲有 promotion girl,會介紹自己嘅酒。

記:收支平衡未?

孫:都 ok,但要回本就難。

記:聽聞你延遲婚期?

孫:原本諗住呢一、兩年生小朋友,但依家我同 Macy聚少離多,呢九個月我飛中港台百幾次,好在 Macy都體諒,有時仲來台灣同上海探我。我都希望大家知我做得到!

雖然話男人事業心重好,不過老孫長期在索女堆中混,更刻意把婚期押後。名草未有主的他,又是酒吧老闆,點會冇女埋身。難怪女友陳美詩要跟住男友周圍飛𥄫到實,以趕絕飛來蜢。

老孫出手攬

咁多囡囡埋身,孫耀威亦忍唔住,反客為主攬番囡囡,仲 chok樣影自拍,十分 enjoy。

事先申報

孫耀威承認在上海夜店攬女及搞校服 party,女友陳美詩全部知情,仲冇呷醋。

近萬呎私竇

孫耀威位於上海新天地的酒吧,佔地接近一萬呎,樓下有舞台,樓上仲有 VIP房,場內有不少女公關。

台灣店損手

去年尾在台灣微風廣場開的酒吧,開張當日便遭查封,令孫耀威投資的一千萬港元凍過水。

落場有着數

圈中人搞生意離不開食店及酒吧,當中以酒吧最深得藝人捧場,只要老闆落場,生意自然滾滾來。

Basement明星私竇

06年洪天明在天后一擲百萬與范振鋒等友人開設 Basement酒吧。以他們在娛圈的人脈,迅速成為圈中人的私竇,後來他已退股。

Dragon- i揚名海外

02年楊其龍與友人合資在中環開 Dragon- i酒吧,深得圈中人如張栢芝、何超儀捧場,連碧咸及中田英壽也慕名而來。



鍾意就快D Share啦!