[忽然1周 991] 殘廁帶挈 狂接 Job搬新屋 Coffee：多得樂小姐放生！ Coffee,林芊妤,MW,

11/7（五） 9:25am

素顏搬屋

靜靜雞一早搵人幫手搬屋的 Coffee，戴上黑框眼鏡站在一旁，路人行過亦認不出她。

娛樂喧

殘廁帶挈　狂接 Job搬新屋　 Coffee：多得樂小姐放生！

上月被爆與 31歲上市公司董事林知譽「殘廁 gathering」後， Coffee林芊妤即被大台炒魷。當大家以為她形象插水變雙失，實情反而是因禍得福。

「一夜成名」後， Coffee出騷登台又示範瑜伽，接 job做到冇停手；教瑜伽收一千蚊一堂，登台唱一首歌兩萬五人仔袋袋平安，認真和味。

日前，本刊更發現 Coffee搬離位於調景嶺與父母同住的公屋，搬到同區的私人樓。據知該單位月租要萬五元，若以昔日大台 4千蚊月薪，絕對住唔起。甩大台後反而搵到食， Coffee好風騷咁話：「多得樂小姐放生，我先有今日！」

其他影片：>>樂小姐放生　 Coffee公屋搬私樓　有米喎
>>林芊妤 Coffee　我和殘廁有個約會

Miss Coffee

考取瑜伽導師牌是 Coffee一時心血來潮的決定。想不到今天卻因此開闢了一條新血路。

24歲的林芊妤 Coffee，「殘廁 gathering」後負面新聞不絕，但並沒有令她意志消沉。 Coffee在大台效力 6年多，早年在大熱劇《衝上雲霄 II》一幕胸壓馬國明，令擁有 34D上圍的她上位成功，但都不及「殘廁」事件令她聲價十倍。 Coffee識得轉危為機，最近頻頻出席晚宴及商場活動，更中港兩邊走登台。

升價 Job接 Job

據知情者透露：「好多人都以為 gathering件事令 Coffee形象直插谷底，其實早前佢俾大台炒魷，依家自己接 job仲方便過之前，去大陸登台唱一首歌就可以自己袋晒兩萬五人仔喎！依家仲有幾個商演度緊期，美容纖體代言人又主動搵上門，開價都六位數㗎！點都好過嗰份得 4千蚊嘅牛工。最搞笑係大台嗰位女高層，以為 Coffee呢個名係由佢哋個節目得嚟， sorry囉！呢個係 Coffee自小嘅英文名嚟。」

殘廁 CEO

自從「殘廁」事件後，男主角林知譽一直潛水， Coffee表示二人仍有聯絡，但只限於普通朋友關係。

7月初被炒

「殘廁」事件後， Coffee避走北京，直到 7月 2日才返港，更被大台即時召回解約，她表示公司會依足合約作賠償。

大陸搵人仔

Coffee最近不時被邀請到國內擔任活動大會司儀及嘉賓，離開大台賺人仔話咁易。

公屋轉私人樓

7月 11日早上 9時許，本刊發現 Coffee身穿白色小背心加熱褲，踢住人字拖步出位於調景嶺公屋買早餐，隨後站在路邊似在等人。不出十分鐘一輛客貨車停在她面前，司機與她傾了幾句便帶着板車跟她上樓。未幾 Coffee拖着數個紅白藍大袋及兩個喼落樓，並全程落手落腳搬物件上車。

其間 Coffee發現有記者，即時跳上客貨車離開調景嶺屋邨，在將軍澳區行了數個大運後，最終在同區某私人屋苑停車場下車，並示意司機把車上物品搬入新單位。搬屋至中午 12時許， Coffee獨自乘地鐵到九龍灣宜家傢俬，除了專揀玻璃杯和碗碟，還不時試坐大牀及梳化。

背心短褲 Look

平時習慣賣大包的 Coffee，今次雖然已收起 34D上圍，但白色小背心仍藏不了她的事業線。

趷籮搬喼

Coffee首次獨自搬出來住，往後日子都要靠自己。當日搬屋時她已毫不錫身主動搬行李喼，仲搬到彎腰趷籮。

靠瑜伽養自己

Coffee孭住兩大袋家品離開時，記者曾上前問她是否搬屋，當時她稱只是一般 shopping。周二（ 22日）她終在電話中承認搬新屋：「係呀！最近啱啱搬屋。因為之前件事，唔想令屋企人再受騷擾。係我第一次自己租屋，希望所有嘢都順順利利。我搵到一條好好嘅路去行，就係做瑜伽老師，有時仲會接吓出面嘅活動、剪綵同廣告。都係多得樂小姐放生，令我有自力更生嘅機會，我先至會有今日。」 Coffee教瑜伽不時拗對腳上頭，粗略估計每月收入逾 5萬，好過在大台做二打六

慳坐地鐵

教瑜伽收入比以前好十倍， Coffee依然節儉，出入都以地鐵代步，不介意被乘客認出自己是「殘廁」 Coffee。

專揀平價品

Coffee一步入宜家後，便往牀上用品區，先試大牀再睇牀單，但一看見價錢牌時，即時放手轉頭走，原來她是被$498一張牀單嚇親。

大髀瘀黑

平時 Coffee多穿瑜伽長褲見人，今次搬屋就換上超短熱褲。記者發現她腿上有多處瘀傷，為此她表示只是普通撞親。

鍾意就快D Share啦！

下一篇 》