網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月3日 星期四

[壹週刊 1269] 信風水 黃日華搬屋幫老婆改運 黃日華,M1,




探熱針

信風水 黃日華搬屋幫老婆改運

梁潔華去年證實患上急性骨髓性白血病(急性血癌)後,因為一直未搵到適合骨髓移植,要靠化療控制病情,但過去半年來奔波醫院的黃日華及女兒黃芷晴,人前保持樂觀,絕不放棄。

據了解,鑑於梁潔華篤信風水命理,屬鼠的她今年沖太歲,加上租住多年的獨立屋開始漏水,為讓另一半安心養病,黃日華早前四出搵屋,最終睇中價值一千八百萬的比華利山單幢屋,九月搬,齊齊轉運。

舊屋漏水

黃日華一直租住每月租金超過五萬元的大埔雍怡雅苑三千呎的獨立屋,由於環境清幽,加上有曾志偉、苗僑偉兩公婆等好友住隔籬左右,黃日華一家一住多年,甚至曾向業主求售,可惜對方不願割愛而未有成事。

梁潔華去年十二月證實患血癌入院接受治療,出院期間,黃日華安排老婆入住沙田凱悅酒店免受騷擾,已近半年沒有返家的她經高人指點,指五十四歲屬鼠的梁潔華今年因為沖太歲,建議搬屋轉運。

「華嫂好信風水,好多時會搵風水師傅問意見。佢屬鼠今年沖太歲,芷晴屬馬又係本命年,師傅認為兩母女都要轉運,加上屋企漏水,對健康有影響。為咗等華嫂安心,幾個月前華哥四圍搵屋,佢哋住慣新界區,睇嘅都係新界屋苑;最後揀咗比華利山,嗰度私隱度高,保安夠嚴密。」知情者說。



兩星期前,芷晴將跟爹哋媽咪合照發給傳媒,並指媽咪健康狀況有改善。

九月,一家會搬入比華利山新居。

一直租住雍怡雅苑獨立屋的黃日華,一家三口都愛這裡環境清幽,更曾經向業主求售,可惜對方不肯割愛。

黃日華的家漏水嚴重,曾做通渠工程改善,他也曾經將漏水相放上微博。

搬比華利山

據了解,黃日華睇中的比華利山獨立屋約三千呎,市值約一千八百萬,梁潔華發病以來,醫藥費已使超過二百萬,但多年來在內地巿場密搵的黃日華,絕對有能力負擔。

「華哥唔聲唔聲,喺內地有好多 job做,華嫂有病,佢陪老婆先至做少咗。今個月,華嫂已經做埋最後一次化療,醫生決定暫時唔再用其他新藥,只有希望搵到適合骨髓。三嫂(戚美珍)搵過蘭子(陳淑蘭)契爺,佢係個高人,幫好多圈中人醫過病,不過最後華嫂都冇去搵對方。」知情者說。

既要照顧老婆又要搵錢養家,黃日華只要有時間,都會與藝人波友踢波減壓。

自從老婆患血癌後,常進出醫院的黃日華口罩不離身。

三哥夫婦跟黃日華識於微時,華嫂有事,二人亦出力搵高人幫手。

冇曬癌細胞

上週六(六月二十八日)中午,黃芷晴現身首飾品牌活動,對於母親病況,全面唱好。

「已經無事出咗院,醫生話佢差唔多康復曬,之後再做幾次檢查就 OK。佢而家好開心,噚日去咗 apm(商場)行街,我做完嘢返屋企,佢就 show曬啲戰利品俾我睇。媽咪買咗名牌袋俾自己,買咗褸俾爹哋,仲有買咗嘢俾我食。」

一家人決定搬新屋,黃芷晴亦無否認。

「而家籌備緊,因為住緊間屋太舊。(係咪關乎風水?)媽咪屬鼠,我屬馬,有個親戚識風水,話今年都係一個轉變年,叫我哋試嚇搬新環境。」

強調梁潔華已經冇癌細胞好番曬的黃芷晴,表示經歷過今次事件,自己變得成熟,懂得孝順。

「媽咪有病之後變得好小朋友,佢以前比較緊張,性格有啲火爆,而家就倒轉頭,由我 take care佢。爹哋近排有好多 job,成日飛來飛去,我都會買啲禮物送俾爹哋,氹嚇佢開心。」

黃芷晴日前接受本刊訪問時,被問到母親病況時,全程強裝淡定。

剛由內地拍電影回港的黃芷晴著住 Dorian Ho設計的紫色裙出席活動。

今年初,黃日華安排化療後離開醫院的梁潔華入住沙田凱悅酒店,他和女兒跟親戚經常探訪。

近半年,黃日華頻頻返內地做活動搵人仔。

明星盤

位於大埔三門仔路的比華利山別墅,是明星名人聚居地,屋苑不少單位享有吐露港、船灣淡水湖或八仙嶺景觀,最重要是保安嚴密,圈中人至愛。

陳豪陳茵媺

因為陳茵媺突然有喜,陳豪立即拍板,以 3,360萬購入屋苑第一期 2,400多呎別墅,讓妻兒有個安樂窩,地方大,再生多幾個都冇問題。

Stephy方力申

拍拖八年的 Stephy與方力申,多次傳出已婚,去年初二人秘密租住保安嚴密的比華利山別墅同居。

謝安琪張繼聰

一向與老公以二萬八千元租住比華利山的她,趁 08年金融風暴樓價下跌,轉租為買,以 1,200萬買入屋苑其中一幢屋長住。

西南有生氣

陳定邦

60年出世的梁潔華肖鼠,今年沖太歲,陳定邦師傳以奇門遁甲測算梁潔華的健康,表示這段時間她的身體狀況還可以,但踏入農曆八月至十一月便要加倍謹慎。「從卦象睇,佢嘅病比較難醫,去到年尾嘅時候,可能會有其他併發症,農曆十一月係子月,子月屬鼠嘅月份,同鼠嘅人相沖,病情會好反覆。」

另外陳師傳建議梁潔華盡量遠離兩個方位,若要搬遷,宜住在西南位,避開正北位。「呢支卦表明西南位係生門,代表有生氣,可以幫到佢,正北係大病位,無論佢而家或嚟緊要搬嘅地方,一定要注意,北位一定唔可以放雜物,紙皮,鐵罐同金屬物件,對病者絕對不利。」



鍾意就快D Share啦!