自知年紀不輕的 Theresa，為了 keep住身形及迎接新開始，近兩個月狂操肌肉。
探熱針
密操兩個月 傅穎大執再砌過
五月約滿星皓電影後，傅穎（ Theresa）決定暫時不與其他經理人公司簽約，主力內地發展的她自己接 job。
回復自由身， Theresa為求有更好的狀態迎接新開始，兩個月前跟健身教練操肌，由本來一百一十二磅減到一百磅外，更將肚腩操到變腹肌，今個月再戰香港，埋位拍戲。
九月三十歲
已入行十年的傅穎，決定作出改變，無論事業和身體，都要好好管理。「 Theresa而家都係自己接嘢做，有時身邊朋友會幫嚇佢，喺娛樂圈都十年，九月就三張，佢知道自己唔可以一成不變，例如一向唔鍾意做運動，早兩個月就走去跟健身教練操肌，要 keep好身形同健康，日日舉重又做引體上升又跑步，結果俾佢成功踢走個肚腩仔，仲由一百一十二磅減到一百磅。」 Theresa身邊人說。
球場傾新戲
上星期四（六月二十六日）， Theresa與一名男子結伴到灣仔新伊館睇籃球甲一組聯賽捧「飛鷹」場，其間二人有傾有講，十分熟絡。
「嗰個係電影監製黃永峰（ Charlie），之前同 Theresa合作過《熱浪求愛戰》，佢哋傾七月拍嘅向西系列電影《含忍•死人•的士佬》，因為 Theresa要飛返北京，所以索性約埋睇比賽喺球場傾，都傾到七七八八， Theresa七月中會返嚟香港埋位。」
新劇做女一
剛於上海拍完電視劇《午夜蝴蝶之廖國香篇》的 Theresa，專程返香港出席活動，逗留四天又要動身飛北京。
「 apm原本搵 Theresa幫手做一連串嘅世界盃活動，但佢要喺上海拍劇，佢係女主角，劇組又唔肯每星期放佢返嚟一次，拍完套劇本來係要直接飛北京，但 Theresa都專登改一改，飛返嚟同世界盃吉祥物設計師一齊做 apm活動。雖然以內地工作為主，但 Theresa都唔會放棄香港，有得做就做。」知情者說。
|
鍾意就快D Share啦！
|
|
|