網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月17日 星期四

[壹週刊 1271] 表妹離婚 箝實鄭嘉穎 鄭嘉穎,M1,




不停與表哥孖住出埠,王賢詠與嘉穎粉絲亦十分熟絡,早已是跟得「女人」!

探熱針

表妹離婚 箝實鄭嘉穎

自從與佘詩曼及內地女模徐靖雯分手後,鄭嘉穎至今未見再有新戀情浮面,身邊反而有個跟得已婚表妹王賢詠,經常丟低老公同仔女,做他私人助手兼攝影師。去年嘉穎在內地拍劇、做唱片巡迴簽唱會,王賢詠幾個月來寸步不離;今年四月二人更秘密同到新加坡度假。

兩老表朝見口、晚見面,最終觸怒王賢詠老公神經,兩公婆為此吵大鑊,攤牌搞離婚。

人盯人

今年八月便四十五歲的鄭嘉穎,去年一度傳出與佘詩曼復合,但最終得個講字。相反,嘉穎跟感情要好的已婚表妹王賢詠,經常出雙入對,今年四月被本刊拍得秘密同遊新加坡外,近年嘉穎長期在內地拍劇,王賢詠亦跟到實。

「 Vivian(王賢詠)好迷佢,以前已經成日黐住嘉穎,近年就更加瘋狂。之前嘉穎返內地拍《葉問》、《華胥引》,又做咗幾個月唱片巡迴簽唱會, Vivian全程跟足,好少時間留喺香港,同老公感情難免出問題,加上之前影到佢哋一齊去新加坡,兩公婆鬧晒交,而家已經搞緊離婚。」嘉穎友人說。

去年一月,二人飛巴黎,更在巴黎鐵塔前留影,十分甜蜜。

去年五月,嘉穎到象山拍《華胥引》,王賢詠更扮成村姑,在片場與臨時小演員影相。

在簽唱會上,鄭嘉穎被人團團包圍,王賢詠(箭嘴)不理身世逼埋人堆。

攞正牌

阿爺是「電子大王」王華湘,出身富貴的王賢詠,在圈中人脈甚廣,經常介紹嘉穎表哥認識不同階層人士,包括鄒世龍、張堅庭、楊諾思夫婦、盧永仁等,甚至在背後鋪橋搭路,向廣告客戶推薦鄭嘉穎。

「早年嘉穎可以簽無綫,都係全靠 Vivian介紹樂易玲俾佢識,後來入英皇出碟,又係 Vivian出馬,叫老闆女楊諾思幫手。每次同朋友食飯, Vivian都會叫朋友有 job記住搵佢個靚仔表哥,有個生髮廣告同瑞士羅馬錶活動,都係 Vivian傾返嚟,不過佢唔會張揚,最後都係交俾無綫經理人跟進,完全唔分一毫子佣金。」知情者說。

去年,王賢詠更做埋鄭嘉穎的御用攝影師兼助手,與老公關係亦愈來愈疏離。

「其實以前都俾人影到佢兩老表一齊食飯行街,但而家唔同,直頭孖公仔出埠,老公唔嬲就假,就算搞到要離婚, Vivian反而覺得輕鬆咗,可以放心照顧表哥。呢兩個月,嘉穎返無綫拍劇, Vivian好多時會煲埋湯去探班,決定離婚更加唔使避忌。」知情者說。

本週一( 14/7),嘉穎到沙田為新劇《天眼》拍攝一場撞車戲,所有危險動作,全程由替身代勞。

近日嘉穎為《天眼》開工,表妹經常探班。

在內地賺了大桶金,鄭嘉穎近日返港拍劇,自己 book七人車及司機接載,唔坐 TVB大巴。

鄭嘉穎不時提起表弟王賢誌,實則跟表妹王賢詠關係更密切。

在王賢詠介紹下,嘉穎與張堅庭夫婦稔熟。

雜食王

鄭嘉穎入行以來傳過不少緋聞,但他敢拍不敢認,為保住乖乖仔糖衣形象,對另一半極不尊重。

王馨平

93年從美國回流返港的鄭嘉穎,簽約寶麗金做歌手,並搭上同公司的王馨平發展「姊弟戀」,其後男方到台灣發展,六年戀情無疾而終。

周麗淇

03年合作《翡翠戀曲》撻着,但兩人一直否認; 06年,二人再合作《天幕下的戀人》,戀情才漸漸浮面。拍拖五年,男方多次背住女友偷食,直至 08年暗撻佘詩曼斷正,周麗淇才決心斬纜。

佘詩曼

07年,與佘詩曼合作《法證先鋒 II》擦出愛火,男方多次被拍到車住阿佘返歸過夜,試過斷正,即場丟低女方走人,毫無風度。阿佘一度想公開,但男方企硬拒認戀情,二人最終在 09年分手。

北模徐靖雯

10年,搭上比自己後生二十年的國產名模徐靖雯,更被發現收埋女友在西貢寓所,玩足七十二小時。戀情曝光後,嘉穎口硬唔認,更勒令女友離開香港返北京。



鍾意就快D Share啦!