熱爆娛樂: [壹週刊 1272] 曾志偉泵水　王敏奕曾國祥九龍塘同居志偉,王敏奕,曾國祥,曾志偉,M1,

2014年7月24日星期四

[壹週刊 1272] 曾志偉泵水　王敏奕曾國祥九龍塘同居志偉,王敏奕,曾國祥,曾志偉,M1,

搭上曾志偉大仔曾國祥，王敏奕成功脫貧，生活質素「升呢」。

探熱針

曾志偉泵水　王敏奕曾國祥九龍塘同居

憑甜美外表，在無綫劇《女人俱樂部》飾演「翻版李麗珍」上位的王敏奕，早前自揭家住公屋窮身世，但自從搭上曾志偉大仔曾國祥，深得「未來老爺」歡心的她，上月正式入主男友位於九龍塘的千呎寓所，搬出公屋，又有曾志偉泵水照顧生活、安排工作，脫貧話咁易。

修心養性

其實王敏奕與曾國祥早於一○年拍攝電影《囡囡》時已互生好感，但當時男方有正印女友，加上感情生活七國咁亂，令王敏奕唔敢行多步。直至去年，曾國祥回復單身，加上老豆曾志偉推波助瀾，才將王敏奕追

到手。

「 Derek（曾國祥）以前好爛玩，加上佢係志偉個仔，大把女自動送上門。但自從同咗 Venus（王敏奕）一齊之後，成個定晒，唔再蒲，放工第一時間撲返去陪女友食飯，志偉都睇得出個仔好鍾意呢個女仔，所以對 Venus有讚冇彈，當正人哋係新抱仔，連家庭聚會都預埋佢。」

上月，王敏奕正式入主曾國祥位於九龍塘的僑園寓所，開始同居

生活。

拍拖後，王敏奕深得「未來老爺」曾志偉歡心，打本捧她做電影女主角。

老爺關照

成功「馴服」曾國祥，王敏奕的生活水平亦大幅「升呢」。出生內地的她，早前自揭一家四口屈住百呎公屋，身為長女的她，十六歲開始搵錢幫補家計，仲要照顧同母異父細佬。

以前月入得幾千蚊，多得電視劇《女人俱樂部》帶挈人氣，加上「未來老爺」關照，安排王敏奕拍電影做女主角。

「志偉成日同 Derek講，要對女朋友好啲，俾好嘅生活 Venus，而家兩個住埋九龍塘僑園，生活使費全部由 Derek負責，連自己揸開部寶馬都俾埋女友揸。」知情人說。

記者上前拍照，王敏奕嚇了一跳，以為男友撞車。

之後，曾國祥邊行邊摸住女友頭安撫。

當日，曾國祥先到屋企附近的洗衣鋪攞衫，之後再揸車載女友外出拍拖。

二人到達中環後分道揚鑣，王敏奕獨自 shopping。

公屋搬豪宅

上月正式搬入曾國祥位於九龍塘、現市值一千四百五十萬的千呎單位，正式展開中產同居生活。早前兩個拍拖揸車出中環，曾國祥到髮型屋理髮，王敏奕則獨自 shopping等男友。約個半鐘後，二人會合前往攞車，轉場到銅鑼灣繼續拍拖。到達利園停車場，記者上前影相，王敏奕當堂嚇一跳，更向男友表示：「嚇死我！我以為你撞到嘢（車）！」身旁的曾國祥摸一摸女友個頭安撫後，兩個便手拖手步行到加路連山道一間咖喱屋撐枱腳，飯後即揸車返回九龍塘愛巢。