網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月24日 星期四

[壹週刊 1272] 孖毒男再被捕 張慧雯換有米新歡 張慧雯,M1,




探熱針

孖毒男再被捕 張慧雯換有米新歡

2010年國際中華小姐季軍張慧雯,前年乘坐男友羅焯均( Andy)的「迷幻貨車」,被警方在車上搜出十二包大麻被捕,最後張慧雯以「不知情」為理由被判無罪釋放,更獲無綫放生繼續有劇拍。但原來今年四月,張慧雯又出事,「毒男」 Andy停牌期間駕駛女友坐駕,載張慧雯遊車河再次被捕。落難鴛鴦一再出事,加上在無綫失寵,張慧雯決定同黑仔「毒男」斬纜,另擒有米新歡。

停牌駕駛

男友藏毒幾乎禍及張慧雯,好在有樂大媽背後力撐,劇接劇之餘,更在新劇《寒山潛龍》中做女二。有機會上位,但張慧雯未有好好珍惜,被對手馬國明及陳國邦鬧爆「掛住玩,無做功課」,演出時表情、動作亦相當造作生硬。

工作無心機,今年四月,張慧雯跟「毒男」 Andy拍拖又再出事。當日二人到牛頭角放狗,由於天氣轉壞,不熟路的張慧雯由 Andy做柴可夫駕車離去,其後被警方截查,發現男方停牌期間駕駛,而同車兼車主的張慧雯,於今年六月亦被判罰款及停牌:「佢都有同朋友提過呢件事,雖然冇上次件事咁大單,但公司講明唔會再姑息。而家 Candy(張慧雯)簽咗出面經理人,今年四月之後,佢都冇劇拍。」

跟 Andy第一次出事被捕,男友出現法庭時,不斷以手遮面避鏡頭。

五月,第二次被捕後, Candy在微博吐心聲,更強調要「結束沉倫」,話中有話。

出席白健恩(藍色衫)生日 P, Candy除影大合照外,經常匿埋一邊玩電話。

去富商P

當日發生藏毒事件,張慧雯一直強調 Andy是「朋友的朋友」,被捕後雙方亦未有再聯絡,但實情張慧雯與 Andy拍拖接近兩年,女方更貼錢照顧另一半,直至無牌駕駛事件發生後,張慧雯才向 Andy提出分手:「前年出事後, Candy無論去邊都帶住 Andy,早排 Dennis(新加坡地產富商)嚟香港開 P,叫咗好多女仔去玩, Candy雖然有同 Andy一齊去,不過當晚就各有各玩, Candy跟 Dennis轉場, Andy就留低同啲女仔劈酒,大家都估到佢哋遲早分手。」知情者說。

出席宣傳飯局,見完 Sammy後的 Candy即時開心晒,繑住李詩韻影相。

相比拍劇時顧住玩,出席《寒山》宣傳活動時的 Candy精靈過人,十分投入。

第一次出事後,無綫依然俾機會,她拍住一姐徐子珊演出《 My盛 Lady》。

雖然當年只得季軍,但已被樂易玲睇中,卸任後即大把演出機會。

第一次出事,由在無綫擔任國語配音組領班的爸爸張濟平陪實出入法庭。

煙駁煙

上週二(七月十五日)下午四時,回復單身的張慧雯,一身十幾萬行頭出現白健恩生日活動,雖然一身富貴,不過她未有特別雀躍,幾乎全程匿埋一邊玩電話,之後更索性提早走人。

原來張慧雯當日十分旺場,五點離開生日會,隨即到附近的化妝品連鎖店入貨,然後轉場到隔籬街的樓上 cafe,快手補妝後,以靚樣跟新歡 Sammy飲咖啡。大煙癮的張慧雯,在短短一個鐘內,對住新歡全程煙駁煙,兩人撐枱腳到六點,張慧雯因為要出席新劇宣傳飯局,才依依不捨跟 Sammy分開。

「 Candy好有男人緣,早排就有個六十幾歲嘅老闆追佢,送咗好多名牌袋,仲話俾張卡佢任碌,而家同 Andy分開,更加可以名正言順同其他男人出街, Sammy份人唔錯,又後生,又開理財顧問公司,有個單位喺禮頓山,財力一定好過 Andy。」知情者說。

新歡 Sammy未到, Candy即補妝扮靚。

跟 Sammy撐枱腳, Candy全程煙駁煙,唔介意流露真性情。



Sammy陪她在銅鑼灣鬧市等的士,怕被人指指點點的 Candy未幾戴上黑超。

是非女

入行四年,華姐出身的張慧雯,以「翻版苟芸慧」之名殺入娛圈,機會多,是非,更多。

做小三

11年 跟羅仲謙合作電視劇《 on call 36小時》,被指介入羅仲謙與傅穎的戀情,以致二人分手收場。

富豪飯局

12年 張慧雯經中間人介紹出席飯局後,搭上有米上巿公司老闆,突然富貴的她不單周身名牌,更不時陪老闆豪遊歐洲。

藏毒被捕

12年 男友羅焯均駕駛貨 van載她前往大埔,其間被警員截查,發現羅神志不清及藏有十二包大麻,男方更被發現有多次藏毒及偷車案底。

停牌駕駛

14年 由停牌男友駕駛其坐駕在牛頭角被捕,張慧雯聲稱跟對方年多未有聯絡,不知對方被停牌。

跟羅仲謙合作《 On Call》傳緋聞,二人先後否認,羅之後跟拍拖數年的傅穎分手。

知錯能改

楊 明  06年,到中環蘭桂坊夜蒲,遭保安阻止進場,楊明發脾氣並起腳踢對方,被判守行為,事後楊明公開承認做錯,更揚言會閉門思過,戒夜蒲。遭無綫投閒置散多年,直至 11年,才有機會演出處境劇《誰家灶頭無煙火》翻身。

曾 敏  06年,落選亞洲小姐曾敏, 09年在公共圖書館偷雜誌,當場被捕及留有案底,事後被亞視終止合約,曾敏其後報讀無綫訓練班再入娛圈,不過一直發展平平, 12年嫁 20億富豪,索性收山唔做。

梁家輝  02年,出席完電影慶功宴,飲大兩杯的梁家輝駕車經過紅磡海底隧道時,跟城巴及私家車相撞,梁家輝跟城巴司機理論不果,出手揮拳襲擊對方,被罰停牌及留有案底,事後家輝表示十分後悔,至今亦未有再因醉酒出事。



鍾意就快D Share啦!