掃呢頁CODE去手機

2014年7月31日 星期四

[壹週刊 1273] 做多瓣 梁靖琪考健身教練牌 梁靖琪,M1,




探熱針

做多瓣 梁靖琪考健身教練牌

一一年與二億闊少黃敏豪結婚的梁靖琪( Toby),夫婦關係僅維持半年便離婚收場。一度因為失婚而自暴自棄的 Toby,多得好友及家人支持,靠做運動重拾開心泉源,除日夜苦練馬甲線, Toby更準備考取教練牌照,另一邊廂,明年一月 Toby將計劃北上拍劇發展,事業重新出發。

珍惜眼前人

與前夫黃敏豪結束半年短命婚姻, Toby一度化悲傷為食量,令身形走樣。直至開始接觸運動,才重新振作意志。

今個月初,經常會跑步練氣的 Toby,在觀塘海濱長廊拉筋熱身,之後一條氣跑足一小時。日子有功, Toby足足減走二十磅,令 34D身材更突出,她說:「努力日日健身,同時亦學緊泰拳同太極,想根底好啲,健康為自己,加上即將要拍《潮拜武當》,身形同魄力都要應付到,因為入面有好多動作戲。加上呢兩年所受嘅壓力同打擊比較大,養咗好多年嘅狗狗又離世,發現人愈大愈要珍惜眼前人,都想自己嘅狀態好啲,俾身邊人睇到。」

跟健身教練日日操的 Toby,雖然未有馬甲線,但已練得一身肌肉,身形甚 fit。

Toby拍攝《衝上雲霄》外景期間,被拍下與吳卓羲在酒店泳池攬啜嬉水片,雖然二人否認有染,但緋聞爆出後幾個月, Toby承認與丈夫黃敏豪已和平分手。

失婚後的 Toby曾自暴自棄,幸好身邊有不少好友及家人支持,令她重新振作。早前,本刊拍到她在觀塘海濱長廊拉筋做運動,跑足一小時氣都唔喘,狀態大勇!

雙管齊下

除了跑步, Toby亦有請私人教練健身,更努力操練馬甲線:「馬甲線好難操,努力緊,而家有條暗坑,每日操個半鐘,希望瘦得嚟有肌肉。」

健身尋找快樂,同一時間, Toby亦開始為北上發展做好準備。「明年一月要返大陸拍劇,到內地發展,一定要增值自己,而家開始上堂學國語,嚟緊仲想考個健身教練牌,另外有啲生意上嘅 project希望今年可以完成, wedding planner我仲有做,同事、朋友結婚都會幫手(陳敏之有冇搵你幫?)我哋有傾過啦,如果問到一定唔會托手踭。」

工作計劃浪接浪,提到感情事, Toby坦言即使有人追,心理上還未 ready好,「我會同朋友出去食飯,但講到拍拖,我未係好急要呢樣嘢,寧願識多幾個朋友。(同前夫有冇聯絡?)真係少咗喇,佢成日唔喺香港,(會唔會復合?)呢個問題冇諗,順其自然啦,希望佢可以身體健康開開心心。」

除了當藝人外, Toby早幾年已開設 wedding planner公司,據知將於年底結婚的陳敏之,亦曾向 Toby問有關婚禮籌備的事。

爸爸梁家樹及媽媽芭芭拉均是行內人,對於女兒很提攜,亦很擔心 Toby的私生活。

肌民時代

去年一套《激戰》,令娛圈掀起一陣「爆肌」熱,人魚線、馬甲線、 6嚿腹肌,男星女星都爭住練。

方力申

跟健身教練杜德智,經過 4個月地獄式訓練,成功由 169磅減到 139磅,操出 41吋胸肌和 6嚿腹肌,最近更收過百萬人仔酬勞接拍內地品牌底褲廣告。

張繼聰

上年為拍攝唱片封套,在短短數個月苦練出腹肌和人魚線。在代言瘦身產品廣告中赤裸上身晒肌,加上一身朱古力色肌膚,即有六位數字酬勞落袋。

傅穎

兩個月前開始跟健身教練操肌,由 112磅減到 100磅,更將肚腩操到變腹肌。



鍾意就快D Share啦!