掃呢頁CODE去手機

2014年7月23日 星期三

綾瀨遙扮30歲處女 玩姐弟戀 綾瀨遙,




綾瀨遙扮30歲處女 玩姐弟戀

2014-07-23 12:19:00



綾瀨遙喺新劇飾演30歲都未拍過拖嘅處女OL。

日本當紅花旦綾瀨遙出晒名上圍驕人,不過當佢走紅後已甚少露肉,上年仲拍埋NHK大河劇《八重之櫻》,雖然收視唔多好,但就進一步奠定佢嘅國民女優地位。

綾瀨遙小休一輪,除咗拍吓廣告同埋新片外,呢一年都唔多接job,而今日NTV電視台就宣佈會搵佢擔正10月開播嘅新劇,故事係翻拍自藤村真理嘅少女漫畫《今天不去上班》,亦係綾瀨遙相隔大半年終於回歸日劇界嘅新作。

綾瀨遙飾演嘅女主角青石花笑,係個30歲都未拍過拖嘅處女OL,直至佢搭上細9歲嘅公司靚仔後輩,等咗多年終於失身在望,但當佢決定同初戀男友同居又感到忐忑不安,角色簡直係為佢度身訂造,干物女性格又係開正佢嗰瓣,相信會好似佢齣代表作《螢之光》咁吸引大批女性觀眾捧場。至於男主角方面,電視台暫時仲賣關子,唔少原著fans都覺得21歲上位男星福士蒼汰最適合,但有傳角色已內定由已經26歲嘅三浦翔平演出,搶手男星齋藤工亦有傳參演,咁究竟男主角最後花落誰家呢?



綾瀨遙走紅後已甚少露肉。







綾瀨遙相隔大半年終於回歸日劇界嘅新作。



故事係翻拍自藤村真理嘅少女漫畫《今天不去上班》。



三浦翔平



福士蒼汰



鍾意就快D Share啦!