掃呢頁CODE去手機

2014年7月7日 星期一

吳日言旺角企街推銷App 吳日言,




吳日言旺角企街推銷App



其他影片:>>






地獄黑仔王吳日言 旺角企街做sales

【旺角西洋菜街】被指去到邊衰到邊的黑仔王吳日言(Yan),昨被本報發現她在旺角企街,原來她最近投資5位數,與友人合作搞手機App。昨日室外氣溫高達攝氏33度,Yan在旺角西洋菜街行人專用區擺街檔,一時要派貨,一時要幫排隊市民下載App,企足三粒鐘,為生計惟有頂硬上!

吳日言入行逾10年,星運平平,2003年簽約唱片公司Silly Thing,最終因為公司要轉型被迫離開,接著先後到商台主持節目及簽約Neway,但最後都被「炒魷」,拍香港電視劇集又因發牌無期,作品石沉大海。本報發現潛水一輪的Yan昨日在旺角行人專用區企街推銷手機App,用汗水換飯票。

昨午約4時15分,Yan與幾位同事抵達旺角西洋菜街行人專用區一個手機App「QR HUNTER」的街檔,準備開檔給App用家換領禮物,由於只要下載手機App便可以換到飲品或雜誌,所以未到換領時間,已經有幾十人在排隊,人龍亦越排越長。



【昨日4:15pm 細心指導】

■吳日言細心教排隊的市民下載手機App。

靠男友經濟支持

現場所見,吳日言向排隊的市民講解及派禮品,同時她又要解答其他路過市民查詢的問題。在烈日當空下,Yan雖然已束了馬尾、穿小背心及工人短褲上陣,但企了半個鐘她已經熱到滿頭大汗,最後索性將毛巾圍在頸上,方便抹汗。



【落手搬貨】

■開檔前,Yan要幫手搬禮品,包括飲品及雜誌。



【熱爆抹汗】

■昨日旺角街頭又熱又焗,Yan不時要用毛巾抹汗。



【被人認出】

■有粉絲認出Yan並大叫她的名字,Yan即笑住「殊」對方。

現年30歲的Yan事業一直阻滯重重,名副其實是「地獄黑仔王」,據知無固定收入的她,這些年來一直靠拍拖多年、已到談婚論嫁的男友支持基本生活開支,直到兩年前簽約香港電視才有穩定月薪,替她減輕經濟壓力。但前日Yan在facebook上載港視通知她合約屆滿的信件,雖然她留言多謝港視有合約精神,但其實也代表她再面臨斷糧生活,難怪早前一個內地飲食節目要她拍攝食蟲,她都豁出去照做,始終搵錢緊要。



■Yan有耐性的幫助市民下載App。



■街檔剛開始已經有人龍在等換禮物。



■Yan為了生計,早前一個內地飲食節目要食蟲都照接。

投資5位數創業

昨日記者走上前問Yan為何擺街檔時,她顯得十分愕然,即用毛巾抹掉臉上的汗,並澄清是自己的生意:「其實呢個都係我自己嘢嚟嘅,咁都要做嚇其他生意㗎嘛!」她又向記者解釋說:「呢個係一個兌換禮物嘅App,市民下載咗就可以換我哋客戶嘅禮品。」

事後再致電Yan問到創業的事,她說:「係同朋友夾份,投資咗5位數字,可以話係用港視份糧嚟創業,但𠵱家約滿咗,之後唔會再有月薪㗎喇,好彩App都有一班客支持,辛苦都值得。」問Yan如果港視能夠開台,或者有其他公司斟她演出可會考慮?她表示:「有啱嘅工作一定做,但2004年出碟到𠵱家已經有10年,人生有幾多個10年?總之一切隨緣,但唔會喺度等囉,我都要食飯,同埋唔想屋企人擔心。」

採訪:小米

攝影:畢紹基、朱志聰



■Yan日前在fb貼上港視通知她合約屆滿信的相片。

【學界佔中 黃竹坑現場】YouTube 重溫:

http://bit.ly/71march



鍾意就快D Share啦!