掃呢頁CODE去手機

2014年7月4日 星期五

祖兒被翻舊帳 曾唱《祖國兒女》 為染紅團體任大使 祖兒,容祖兒,




【寸完人妻Kay】祖兒被翻舊帳 曾唱《祖國兒女》 為染紅團體任大使

2014-07-04 16:01:00



祖兒09年作品《祖國兒女》最近再度被炒熱,不少人都驚嘆:「原來祖兒有首咁嘅歌0架?」

一向較為敢言嘅女歌手謝安琪(Kay),一首新曲《雞蛋與羔羊》,盡是敏感歌詞,似為港人發聲,歌曲喺YouTube上載3日,已經獲57萬人點擊,2萬幾人Like爆。不過Kay嘅死敵容祖兒(Joey),就喺網上讚同fans所講,指Kay借政歌呃Like,似是騎劫政治扮關心社會,Joey隨即被網民攻擊翻新舊帳。

舊帳方面就包括祖兒上月為香港義工盟擔任愛心大使,並主唱主題曲《小草》,Joey當日聯同特首梁振英、中聯辦高層同全國政協、民建聯等眾多愛國團體一齊喺文化中心出席「香港義工聯盟啟動禮暨社區服務日」,在場嘅全部都係親中團體, 好「紅」喎!

高登仔喺高登網站開po,解構香港義工聯盟嘅結構,指聯盟嘅支援機構及團體有20多個親中團體,活動榮譽贊助人更加係香港特別行政區行政長官梁振英、中央人民政府駐香港特別行政區聯絡辦公室主任張曉明。而祖兒喺2009年一曲《祖國兒女》亦被網民翻出,指祖兒係靠攏中央,方便開拓內地巿場。

不過,亦有網民好客觀去理解事件,好似有高登仔就話:「人哋都係做個義工大使啫,咁都畀你話真慘,阿Kay成日無端端畀人話都好慘。」

容祖兒《祖國兒女》: http://bit.ly/VJXtfV 



MV截圖









通常呢啲「紅歌」都要歌頒「中港一家親」嘅關係,中港街景,少不得。





又係長城取景。李克勤首《北京北角》都係咁。



Joey上月聯同特首梁振英、中聯辦高層同全國政協、民建聯等眾多愛國團體一齊喺文化中心出席「香港義工聯盟啟動禮暨社區服務日」,在場嘅全部都係親中團體, 好「紅」喎!







鍾意就快D Share啦!