掃呢頁CODE去手機

2014年7月2日 星期三

張智霖水著女同遊 靚靚冇眼睇 靚靚,張智霖,袁詠儀,

清穗久美子著三點式,Chilam目不斜視。


張智霖水著女同遊 靚靚冇眼睇

型男張智霖(Chilam)最近碌盡人情卡拍攝新MV,請來好友大玩Cosplay,艷福無邊的Chilam更獲美女相伴,邀得Mandy Lieu日模師妹清穗久美子三點式同車,問到太太袁詠儀(靚靚)有否呷醋?Chilam笑說:「我叫咗佢嚟探班,佢話冇眼睇!」

男歌手張智霖近年積極回歸樂壇,諗頭多多的他拍MV經常發揮創意,曾請來女神陳法拉、謝安琪及黃美棋與他互動,又邀得蔡一傑及伍詠薇性感肉搏,最近他為演唱會主題曲《瘋狂有時》拍MV,再度碌盡人情卡,與多位好友蔡一智、蘇志威、梁烈唯、Bob(林盛斌)及BabyJohn(蔡瀚億)大玩角色扮演,扮蝙蝠俠及殭屍等,更獲Mandy Lieu師妹日模清穗久美子(Kumiko)三點式助陣,盡情表達Crazy感覺!

清穗久美子有緣

Chilam近日為本月6日舉行的個唱密密綵排,日前難得抽空一天拍攝MV,即與眾好友玩到癲,因經理人公司老闆蕭定一拍慣3D電影,MV順勢大玩特技,並時光倒流以80年代做背景,重現幾個80年代Hit爆的場景,首先Chilam Gel行頭扮演占士甸駕駛名車,接載身穿泳衣的Kumiko出發往沙灘遊水,身材出眾的Kumiko大曬D Cup上圍,香車配美人畫面夠曬香艷,其後兩人遇追捕,因而展開一輪瘋狂之旅,並不停變裝避開追捕!Chilam直言與Kumiko相當有緣,曾合作多次拍攝廣告,據知Kumiko更是Chilam粉絲,將自掏腰包往睇騷。問到與索女如此親密,會否怕太太靚靚呷醋?Chilam笑說:「我有叫佢嚟探班,佢話冇眼睇我呀!」

靚靚信得過Chilam,拒絕探班。
  • 靚靚信得過Chilam,拒絕探班。
Gel行頭扮占士甸的Chilam駕駛開篷車,與清穗久美子遊車河。
  • Gel行頭扮占士甸的Chilam駕駛開篷車,與清穗久美子遊車河。

殭屍造型過足癮

Chilam大玩Cosplay,身穿蝙蝠俠衫與扮演羅賓的梁烈唯追捕謎語人BabyJohn,蒙面的Chilam與唯唯大騷「腹肌」,造型Old School配合懷舊Feel,單睇造型已令人笑爆嘴!另一幕Chilam與蔡一智化身中國古代殭屍,蘇志威則戴上眼鏡扮道士,問到最喜歡的造型,Chilam笑說:「最好玩梗係係扮殭屍,我冇咩機會,點睇我都唔似殭屍今次真係過足癮!」

蝙蝠俠
  • 蝙蝠俠
占士甸
  • 占士甸

文:影視組



鍾意就快D Share啦!