掃呢頁CODE去手機

2014年7月2日 星期三

[FACE 371] 《變形》走難車電話唔通 MF,




劇組喺美國搭咗個疑似香港景,的士、路牌都好似,除咗啲大陸品牌植入廣告外,但查實香港邊有呢啲美國商業城市建築物?

FBI

《變形》走難車電話唔通

萬眾期待嘅《變形金剛:殲滅世紀》終於喺上星期四上畫。 FBI係《變形》迷,當然一早撲飛。

雖然套戲近 3個鐘,不過冇乜悶場,而且劇情都相當緊湊,加埋有 IMAX 3D效果, FBI簡直置身《變形》戰場一樣。《變形》變長,加上係美國人拍香港、拍中國,當然好難做到十全十美啦,令 FBI笑爆嘴嘅穿崩位都有幾個㗎!

今次部戲嚟咗香港取景,講真好多香港人都好期待班變形金剛點樣反轉香港,點知喺鰂魚湧打到飛起時,突然飛咗去四川山區喎。係香港人都諗到,香港邊會有咁風景如畫嘅地方至得㗎? FBI八到劇組都好有心,知喺香港拍外景有局限,返到美國都再搭番個香港景,再將美國個假香港同真香港外景,再同中國外景串埋一齊。係囉,試問香港邊有單軌鐵路?最搞笑係一班主角坐住部藍色車走難嗰陣,車門上面寫嘅香港電話號碼只係得 6個數字。𠵱家咩年代?臨近 7月,個電話唔係打去第二度㗎?

上星期去到上海首映,當然又係冰冰主場!網上圖片

上海首映,導演 Michael Bay勁親民,同影迷玩 selfie!網上圖片

美國搭景

6個號碼

呢一幕係上年喺西九拍, FBI睇戲嗰陣同好多觀眾一樣,有十萬個問號,明明喺香港走難,但係車門印住嘅電話號碼 852字頭得 6個號碼,到底打去邊㗎?

瞬間轉移

呢幕瞬間由鰂魚湧轉移到四川山區只花唔使 2秒,速度拍得住都敏俊喎!

四川武隆

香港

替身穿崩

李冰冰為咗救光頭科學家,不惜揸電單車帶佢衝出重圍,只可惜替身皮膚太黑,個樣太 man, FBI睇戲都見到個替身嘅男人樣。



鍾意就快D Share啦!