熱爆娛樂: [FACE 372] 甜心先生　又多個星 2代入行　黃淑儀仔唔甜唔食黃愷傑黃淑儀仔,黃愷傑,MF,

2014年7月9日星期三

[FACE 372] 甜心先生　又多個星 2代入行　黃淑儀仔唔甜唔食黃愷傑黃淑儀仔,黃愷傑,MF,

徐肇平唔只入得廚房，連做運動都有板有眼，𠵱家密密操肌，希望除咗主持工作，仲有其他演出。

真面目

甜心先生　又多個星 2代入行　黃淑儀仔唔甜唔食

香港娛樂圈「星 2代」十隻手都未必數得曬，遠至霆鋒、欣宜，近年有黃日華女黃芷晴、秦沛女薑麗文，背後有盞明燈射住，發圍都易過人！

新一批「星 2代」大軍又殺到，先有趙雅芝仔黃愷傑（ Wesley）操肌練大隻入行；而七、八十年代一線花旦黃淑儀仔徐肇平就拍住阿媽，先在《吾淑吾食》整甜品冧觀眾，高大靚仔的他，即被大台睇中，正式入行。

其他影片：>>最新星 2代

26歲徐肇平自細在加拿大長大，大學修讀溫哥華電影學校，做過幕前幕後工作，「本身喺溫哥華都有做幕前工作，不過就愈來愈少嘢做，媽咪都有問我有冇興趣喺呢行發展，之後推薦我喺佢個飲食節目教整甜品，我好鍾意食甜，最叻整蘋果批。」拍咗幾集《吾淑吾食》，無綫即刻話要簽徐肇平，「啱啱同 TVB簽咗普通藝員約，因為明珠生活嘅監製睇完《吾淑吾食》，叫我先去做主持。」身為「星 2代」，徐肇平都話有壓力，他說：「壓力都好大，自己都有睇過媽咪以前嘅作品，我唔會想話要拍得好過媽咪，我入呢行係因為鍾意拍嘢，亦因為好鍾意周星馳嘅笑片，都想拍嚇㗎。」

6呎 3嘅徐肇平高大威猛，除咗做運動鍛鍊體能，平時又鍾意煮嘢食，最拿手煮西餐和甜品，名符其實「入得廚房，出得廳堂」！

試反應

黃淑儀知道徐肇平有意入娛樂圈發展，先為兒子搭路客串《吾淑吾食》教整甜品，今個月更會在明珠台做主持。

做主持

上週徐肇平第一日開工做主持，同岑杏賢、張曦雯兩位靚女合作。

媽咪黃淑儀人際網絡夠大，閒時都會宴請圈中好友到屋企食飯，郭富城都係其中一個，左邊嗰個咪係𡃁仔徐肇平囉。

趙雅芝仔攻影圈

趙雅芝仔黃愷傑（ Wesley）今年 27歲，畢業於南加州大學經濟學院，之後再到北京電影學院進修碩士課程，未正式入行已經拍過 4套電影《對不起，我愛你》、《不朽的時光》、《珍珠島的天空》和《按摩師》，最近黃愷傑更被拍到與前英皇高層會面，據聞將會主力在影圈發展。

兩位新人的母親同樣是當年花旦，原來細細個已經見過面，徐肇平說︰「我同佢唔熟，對上一次見佢已經係十幾年前，我都係聽媽咪講先知佢入咗行。」

話就話「星 2代」有著數，不過始終都要靠自己，同期入行嘅黃愷傑、徐肇平，真係要鬥過先知邊個係贏家。