網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月9日 星期三

[FACE 372] 夏水禮 飛起糖妹 王敏奕陳嘉寶沙灘鬥波 糖妹,王敏奕,BKD_S,MF,




糖妹被飛出局,有得留低嘅王敏奕、陳嘉寶、吳嘉熙同賴慰玲,齊齊換上吊帶背心加熱褲,王敏奕仲同陳嘉寶胸撞胸企前排主角位,唔通真係明爭暗鬥?

真面目

夏水禮 飛起糖妹 王敏奕陳嘉寶沙灘鬥波

前排《 M Club》熱播,一班少女版都多咗人識,仲有唔少廣告。最近韓風掀熱潮,有韓國時裝店睇中《 M Club》女代言。不過,最近身形暴脹嘅糖妹就慘被飛起,七選四,只有王敏奕、陳嘉寶、吳嘉熙和賴慰玲順利過關。

4女上週到沙灘影廣告硬照,吊帶背心加熱褲嘅王敏奕同陳嘉寶激凸鬥身材,嘩!引死人咩!

新一代少女組王敏奕、陳嘉寶、吳嘉熙、賴慰玲、糖妹、陳瀅同吳燕菁,拍劇之後成為好姊妹,不過就唔係個個跑出。當中就以王敏奕同陳嘉寶最有運,除了成為宅男女神,最近更被韓國時裝店「 AVENUE 1218」睇中,仲帶挈埋吳嘉熙同賴慰玲,齊齊拍廣告。

四女當中,模特兒出身的陳嘉寶最有拍硬照經驗,普通一個坐櫈動作都 chok到爆!

咪以為一身黑色造型好保守,細心觀察下,王敏奕條小蠻腰先係亮點!

當日同場仲有一名男模特兒,出名鬼馬嘅吳嘉熙不停出手挑逗,搞到男模硬曬軚,好怕醜喎!

肥矮要 out

王敏奕一有時間就攞部相機出嚟,同好姊妹吳嘉熙、賴慰玲自拍。

韓國時裝店來港開鋪,想搵班又 pure又 true的女星做代言,結果《 M Club》女成功突圍,不過韓國設計師有兩大要求,包括唔可以太矮和太肥,據知糖妹拍劇時的 Aerobics戲服,就嚇怕咗設計師。

知情人士說︰「起初都有諗住原班人馬 7個女仔,不過最初階段,已經有一、兩個傾唔掂數,之後就決定 7揀 4,因為廣告其中一個 look要露腰,未見過真人,睇相已經揀咗 Anjaylia同 Venus(王敏奕)、之後再搭 Cheronna同 Winki。」

俾鬼仔撩

上週二( 1日),王敏奕、陳嘉寶、吳嘉熙同賴慰玲為品牌照硬照,原本外景拍攝,但當日一度落雨而改到影樓,直至下午天氣轉好,老闆提議即時移師大浪灣,四女非常識做,就算超時工作都一口答應。

去到沙灘,四女換上吊帶背心加熱褲,王敏奕同陳嘉寶鬥騷身材,期間有一位外藉男士上前搭訕,又騷擾拍攝,最後要鬼妹仔吳嘉熙出馬,對方先肯離開。吳嘉熙說︰「之前去沙灘,都試過有外國遊客過嚟傾偈,問我香港有咩玩、有咩好食,但從未試過交換電話㗎!」電話可交換,唔好亂去廁所咪得囉!

糖妹呢個 Aerobics造型,身高 152cm但體重就重達 108磅,又真係幾趕客嘅,係時候減嚇肥喇!

賴慰玲同王敏奕兩個雖然唔係模特兒出身,擺起甫士上嚟都有板有眼。

鬥快上位



《 M Club》內的 7位少女版,多得劇集帶挈,事業發展個個都算唔錯,知名度同賺錢能力逐漸上升,惟獨吳燕菁(𡃁版江欣燕)仍未有唱片公司問津,情況最差。

做主持

模特兒出身的陳嘉寶,除咗繼續模特兒工作外,最近仲拍攝節目《街頭魔法王》做主持。

勁多戲

王敏奕密密出席活動搵錢,亦將會專注拍電影,𠵱家就拍緊《曖昧不明關係研究學會》。

新發展

女子組合 Super Girls成員吳嘉熙,將加盟曾志偉新公司,開始排舞錄音為出碟作準備。

拍電影

糖妹最近有份參演黃百鳴的新戲《王家欣》,同黃又南、吳千語、影後劉美君合作,有得拍仲可以乘機偷師。

大台劇

同樣係模特兒出身的陳瀅,最近都有份演出新劇《四個女仔三個 Bar》。

冇人要

樂壇孖妹組合 AOA的細孖吳燕菁,原本所屬的唱片公司金牌大風被華納收購,據聞未獲新合約,亦未有新工作安排,慘成孤兒仔。

做顧問

賴慰玲正為舞台劇《生日快樂》排練,據知遲嚇《 M Club》會搞舞台劇,佢仲會擔任顧問添!



鍾意就快D Share啦!