掃呢頁CODE去手機

2014年7月9日 星期三

[FACE 372] 黃浩然教做戲激嬲視帝祥 黃浩,MF,




黃浩然為《商戰》開工,俾陳國邦㩒喺地下嘅黃浩然,真係七情上面㗎!

FBI

黃浩然教做戲激嬲視帝祥

好爸爸黃浩然近排忙住拍新劇《商戰》,同劇仲有視帝黎耀祥、胡定欣。大家撈咗咁多年,照理拍劇快手快腳準時收工,但 FBI收到風,黃浩然真係唔多開心囉。

話說向來鍾意教人做戲嘅黃浩然,有一場戲又話啲燈光師擺位唔啱,響度指指點點,而視帝黎耀祥當日又唔知咩事咁好火,竟然當眾狂抦黃浩然:「你顧掂自己先」視帝開火,黃浩然當然唔敢駁咀,工作人員梗係掩住半邊咀笑

事隔一星期,上週日( 29日) FBI去探《商戰》班,同場只有胡定欣、陳國邦同埋黃浩然,冇視帝喺度,黃浩然就變得好低調,未埋位都唔敢四圍走,亦冇再教人做戲或者搞住燈光哥哥!所以話,老屎忽一句,後生嘅聽完真係識驚㗎!

夾硬咀

劇入面講兩男追一女,當晚就拍黃浩然強吻定欣,陳國邦突然出手幫拖,最終呢幕英雄救美,陳國邦贏咗定欣嘅芳心喇。

自己照

黃浩然自從俾視帝話完即時收歛咗,閒時只係照嚇鏡同埋背對白,無再多事四圍教人做戲同指點打燈啦。

匿埋讀



鍾意就快D Share啦!