喺利嘉閣 33周年酒會，盛品儒攔路箍煲，仲話：「 Michelle係真真正正我等咗 30幾年，就係等呢個人，之前分開咗一直好傷心……」咁傷心點解又會當街啜𡃁模？
FBI
盛品儒死𦧲食檸檬
邊有貓唔食魚？好似亞視前高層盛品儒咁，即使有有米兼靚女嘅女友蔡一鳳（ Michelle），上星期一樣被斷正同𡃁模郭奕芯（ Ashina）喺街頭攬啜。
偷食斷正，蔡一鳳極速斬纜，但係盛品儒竟然公開求復合。上週四（ 10日）二人前後腳出席地產活動，盛品儒竟然向 FBI申報利益兼公開箍煲：「其實我哋喺件事之前已經分開咗，係上星期四（ 3日）。嗰日傾完想箍煲，我不勝酒力……全部係我錯，係我責任，好對 Michelle唔住。」呢晚盛品儒仲當住 FBI同班行家面前捉住前度，嚇到蔡一鳳擰轉面想甩身。早知今日，何必當初呢？
|
鍾意就快D Share啦！
|
|
|
