Beauty Hunt
米雪姨甥女 徐頴堃為食星 2代
話徐頴堃（ Erica）流住電視台血，只因爸爸係大俠徐少強，媽咪係俠女雪梨，姨媽係防腐米雪，當然遺傳到優秀演員血統
11年曾奪得溫哥華華裔小姐冠軍，回港後雖然加入娛樂圈，但唔想靠關係入大台，反而踏踏實實去有線電視應徵，現任《為食情報局》主持，抵讚！
家中都是演藝紅人，好自然會提議在加拿大長大的 Erica參選港姐，但當時得 18歲的 Erica自覺太內向又細膽，於是先做模特兒及參加了在內地舉行的小型選美，然後才參加溫哥華華裔小姐，結果奪得冠軍，但始終沒有選港姐。她解釋：「覺得華姐係 more focus去選美，學到嘢，同港姐啲文化係唔同！」拆解咗即係話港姐學唔到嘢囉！
有份試《臥虎藏龍 2》
Erica和哥哥徐偉棟在加拿大新時代電視做過主持，哥哥回流香港簽約曾志偉公司， Erica半年前亦回港投身演藝事業，但她拒絕了媽媽雪梨和姨媽米雪的好意，拒絕入大台，反而以素人身份應徵有線電視《為食情報局》，被評審陳雅倫認出。「做咗主持要自己聯絡食肆，要寫稿，我唔識打中文，係自學拼音打稿。入有線係好開始，希望第時有更多演藝發展啦。」
記者收到風，美國投資的《臥虎藏龍 2》曾找 Erica試鏡，而且是經姨媽米雪的朋友介紹，在面試中試演年青版章子怡的戲份，她說：「電影公司嚟搵我嘅，但唔可以講。」據知 8月會有消息，雖然未知機會有幾大，但都算係大好機會。其實有家人關照吓係好重要㗎！
Profile
徐頴堃 Erica
年齡： 26歲
fb專頁：徐頴堃 Erica Chui（粉絲人數 287人）
|
鍾意就快D Share啦！
|
|
|