網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月23日 星期三

[FACE 374] 成功入圍 車模出身 候選港姐夜場夾波 入圍佳麗CK 入圍佳麗CK,港姐,BKD_S,MF,




CK順利入圍,即搣甩 MK味,手持 Prada手袋及配戴 Chanel圍巾入大台,跟 6月選車模時完全兩個樣。

真面目

成功入圍 車模出身 候選港姐夜場夾波

港姐經過早前 2輪面試,成功晉級的 16位候選佳麗於上星期正式入電視城受訓。

今屆港姐大玩神秘,佳麗背景撲朔迷離,大台卻在官網漏「獨家」料,透露今屆有佳麗由藝人蘇玉華及呂珊等提名。繼上期本刊踢爆過大熱的「純情栢芝」楊埕拍過電影,又陪過天馬老闆黃百鳴北上;另一位入圍佳麗 CK原來亦發明星夢,曾參加在深圳舉行的車模大賽。

本刊發現 CK在深圳市福田區一酒吧選車模時,表演跳舞異常落力,除了瞓身擘腿更當眾夾胸!港姐台上會唔會表演多次呀?

身高約 5呎 6吋的 CK在首兩輪面試並唔起眼,但原來 CK身材惹火,曾穿 bra top參加在深圳福田一酒吧舉行的「第二屆亞洲車模選美大賽」,並擊敗其他 8位對手奪全場總冠軍。

上月選車模時, CK一樣叫 CK參選。當時 CK染咗一頭紅髮,仲戴咗 colour con,同以貴婦 look參選港姐好唔同。

6月選車模

贏得全場總冠軍, CK得到約 10萬元人民幣總獎金。網上圖片

扭晒蛇腰

比賽上月舉行,當晚 9位車模都施展渾身解數,有人自彈自唱,有人表演魔術,不過最令台下酒客噴鼻血都係當時染了一頭紅髮,帶點「 MK」味的 CK瞓身表演爵士舞。

當一響起 Justin Timberlake的〈 Sexyback〉音樂, CK即狂扭蛇腰出場。一路跳, CK就一路扭腰撥長髮。跳到中途, CK更出手自夾胸部,表現自然完全唔尷尬。

CK咁瞓身,最後當然成功擊敗 8位對手,成位冠軍,仲袋走 10萬元總獎金。上週入大台受訓, CK卻染回黑髮,再配合全身名牌見傳媒,搣甩 MK味同港女鬥靚。

擘腿

為爭車模冠軍, CK喺深圳夜場又自夾咪咪又擘腿跳舞,瞓身表演最終奪冠。網上圖片

自夾(網上圖片)

'13法界 UStar入圍

上年參加過本刊 UStar大專校花校草選舉,並奪得「網上人氣 FACE UStar Girl」及「零瑕完美健康肌膚大獎」的港大法律系學生 Katherine(何艷娟),今年亦順利入圍港姐被捧成熱門。上星期 Katherine着上低胸背心入大台受訓, Katherine仲話無唔妥:「以前讀書都係咁着。」未選已搏命。

港姐個個晒名牌,出身富貴住新界近千呎私樓的 Katherine上星期見傳媒,亦拎住 Hermès手袋,一於唔執輸。

北京出世,留學英國,在港大修讀法律的 Katherine,上年參加本刊 UStar大專校花校草選舉打入校花五強,並奪得「網上人氣 FACE UStar Girl」及「零瑕完美健康肌膚大獎」。



鍾意就快D Share啦!