[FACE 375] 32℃開工大汗城城嚇親狗 城城,郭富城,MF,

城城抱起 Dior女狗嚟錫，點知狗狗唔合作擰歪面，搞到城城有啲尷尬。

全知言

32℃開工大汗城城嚇親狗

呢排幾乎日日過 30度酷熱警告，藝人開工都咪話唔攞命。上週三（ 24日）城城以聯合國兒童基金會大使身份，冒住高溫喺尖沙咀出席史諾比藝術生活展覽，同場仲安排咗隻明星狗 Dior女同 Aaron互動吓。

城城抱住隻狗俾我全知言同班行家影相， Aaron當然無理由就咁抱住就算啦，梗係要同狗仔有啲親密接觸，唔知隻貴婦狗係咪真係咁醒，見到大汗叠細汗嘅城城想黐埋佢度，佢即刻避開，即場請咗大個檸檬俾天王食呀陰公豬。

當日天王大汗到咁，又真係好難怪隻狗。

夾硬咀

錫唔到正面，夾硬錫背面啦。

呢日天王錫完真狗就錫史諾比，幾時先真正搵個女友或老婆錫吓？城城話：「其實我好熱愛我嘅工作，我好全情投入，冇辦法分心諗其他嘢，我都唔知點解我會咁……」又係講呢啲。

鍾意就快D Share啦！

下一篇 》