掃呢頁CODE去手機

2014年8月8日 星期五

[忽然1周 993] 爭演星爺美人魚  Coffee:要我做乜都制 星爺,林芊妤,Coffee,周星馳,MW,




設計圖片

滾熱辣

爭演星爺美人魚  Coffee:要我做乜都制

一年前周星馳執導的《西遊.降魔篇》內地票房勁收 12億人仔,他今年再籌拍另一科幻電影《美人魚》,日前更高調在中、港、台進行網上招募。星爺揀女,令不少發明星夢的少女爭崩頭,由 7月 31日至今,已有超過兩萬人報名參加。

因「殘廁 Gathering」成名的 Coffee(林芊妤)亦唔執輸,自小崇拜星爺的她亦決定參加招募,雙腳拗上頭、身體比常人柔軟就是她的賣點,她還力 sell:「點醜我都肯制!」

一向敢於在電影起用新演員的周星馳,今次籌備開拍新戲,由中、港、台三地進行海選,報名活動到 8月 15日截止,並定於 9月 14日由星爺親自挑選 4名女演員參演《美人魚》,預計 2016年賀歲檔期上映。

回顧過去,星爺執導的《功夫》有黃聖依,《長江 7號》有張雨綺,就知道星爺揀女確有一手。據內地劇組人員透露:「周導現在拍片比過往更嚴謹,今次選角不單止要挑美女,更要挑有實力的。雖然片中會一如既往加入大量電腦特技。不過這故事是發生在海中,為求逼真,演美人魚的女角必須懂游水與徒手潛水。」多年前拍《少林足球》時,星爺亦同樣鋪天蓋地搵新人,從過萬人當中選出來的李卉,最後卻只演了一幕踩蕉皮「趴街」的戲,不過依然吸引無數少女爭做星女郎。

邊個想做

我條美人魚請舉手!

(設計對白)

瞓身兼拗腰

為咗自薦做美人魚, Coffee可以去到幾盡?她擺出多個模仿美人魚在水中暢泳的姿勢,趷籮拗腰絕對無難度。呢啲咪叫能屈能伸囉!

設計圖片

Coffee人仔細細,但臂力特強,呢個支撐上身的擘髀瑜伽動作,佢可以好輕鬆咁笑住完成。

日前,星爺新片正式在網上進行招募,經過三輪淘汰, 4強將於 9月中誕生。

瞓身做醜角

要演活美人魚,身體柔軟度高自然勝人一籌。 Coffee(林芊妤)因殘廁「成名」後,現時轉行做全職瑜伽導師,她隨意可舉腳過頭或做出一字馬,坦言不介意為星爺演一條極醜的美人魚。

Coffee說:「依家我專注喺瑜伽事業上,但仍然對演戲好有興趣,由細到大都好鍾意星爺,今次都想把握機會自薦。希望有幸被揀中,就算只係做綠葉醜角,我都會好俾心機演。我係唔介意有咁醜得咁醜,為套戲好做乜都肯制。平時我教開瑜伽身體柔軟度好,絕對可以配合到角色,演一條好醜好搞笑嘅美人魚,任佢哋魚肉都得。」根據網上報名的資料發現,寸嘴 Barbie夏尉喻日前亦報了名,更自拍一段極為爆笑的短片上載。

寸嘴 Barbie騎呢炸水

寸嘴 Barbie日前竟然上載了一段自拍短片到官方的招募網,片中的她打扮成美人魚,無厘頭 rap完一輪隨即跳落水,真係笑死人冇命賠。

星爺揀最後四強

近日正為新片《辣警霸王花》拍攝最後幾場戲的錢國偉,月前收到星爺親自致電邀他為新戲《美人魚》擔任選角評審。周二晚( 5日)他在電話中表示:「本來星爺係叫我做執行導演,會一齊度吓古仔同一啲場景創作,但依家選角最為重要,所以先處理選角。雖然我識好多藝人,但因為我係評審身份,所以比賽前,我都唔可以對任何人有評價,只會叫佢哋有時間就上網登記報名。不過我就可以俾小小 tips大家,星爺係好重視氣質同自然美,因為到最後四強會由佢親自揀。」

據知,錢國偉一眾愛將都會報名,當中有 38H逼爆上圍的崔碧珈。而近年注專國內發展,甚懂水性的阿嬌(鍾欣潼)亦有機會參與演出,其經理人 Mani表示:「我哋對星爺套新戲好有興趣,不過入圍之後如果要簽約,咁就未必參加到。」至於男主角方面,早前曾傳出星爺會搵羅志祥或徐崢演出,其實如果星爺自己演番,票房可能會破宇宙紀錄喎!

美人魚候選人

甜心美人魚

阿嬌鍾欣潼曾在電影《出水芙蓉》展現泳姿,再加上招牌笑容,一定是條甜美的美人魚。據知她亦有興趣參加選拔。

惹火美人魚

最近在錢國偉執導的《辣警霸王花》彈出的崔碧珈,擁有 38H上圍,身材玲瓏浮凸,定必成為最惹火的美人魚。

長腿美人魚

Theresa傅穎近年專注在國內發展,對於今次星爺揀女,有傳她亦會一試。 Theresa識游水,對腳又長,做美人魚冇問題喎!

《美人魚》賽制

選拔賽制分兩組─「美女偶像組」和「實力演技派」,經網上報名後要過三關。首輪海選由 7月 30日至 8月 15日,以公開網上投票形式選出 40強,性別年齡國籍不限,當然亞洲人會優先。之後再進行劇組試鏡,而 8月 19日至 8月 29日期間,會在國內進行直播選出 12強,最後在 8月 30日至 9月 14日,進行培訓再互相比拼,由星爺親手選出 4名女演員在新戲內演出。

故事會以愛情加動作為藍本,講一艘船在海上遇劫,美人魚勇救這艘船,而船上一名青年對美人魚一見鍾情,譜出一段「人魚戀」。

羅志祥

男主角人選,星爺意屬台灣型男羅志祥或者國內當紅男星,《泰冏》的男主角徐崢。

徐崢

出位星女郎

歷年由周星馳執導的電影中,演員就算只做綠葉大茄,都有機會彈起,就好似元秋同何文輝(醬爆)。如果有幸被星爺揀中做女主角,就更加上位在望。曾在《食神》中爛面加西瓜刨造型的莫文蔚,當年有份被提名「最佳女主角」;張栢芝 99年拍《喜劇之王》演夜總會小姐爆紅;拍《長江 7號》的張雨綺,現嫁了國內出名導演王全安成了少奶奶。難怪咁多女仔想做星女郎

黃聖依

張雨綺

張栢芝



鍾意就快D Share啦!