網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月8日 星期五

[忽然1周 993] 周麗淇想影咪認囉 周麗淇,MW,




小青姐走到台邊再拉住 Niki同林峯、徐正曦一齊影相,知碇嘅林峯仲話:「呢啲時候,當然係女仔企中間。」雖然 Niki雙手掩嘴,但個樣就 sweet到爆,得咗!

媽咪姐

周麗淇想影咪認囉

周一( 4日)林峯、周麗淇( Niki)同內地小生徐正曦齊齊出席新劇《衞子夫》嘅內地首播發布會。上年周麗淇拍完套劇無耐,《忽周》率先踢爆佢同細 5年嘅徐正曦撻着,所有記者都諗住趁呢次機會叫佢哋兩人嚟張情侶合照。不過唔知點解,現場公關竟然事先聲明, Niki同徐生係唔會合照同受訪喎!








Well,查實都認咗拍拖,影張合照又有幾咁閒呢?哈,妙就妙在經理人王敏慧真係一次又一次想拉走 Niki,而 Niki就一次又一次行極唔郁,死釘喺台上。好明顯,想俾機會其他人,好似監製小青姐咁,可以拉佢孖愛人俾記者影多兩格相囉!當然,事後周小姐係咁樣回應嘅:「今日係幫套戲宣傳,所以唔想成為焦點。都係為部戲出發,唔係避忌,但唔想刻意。」係嘅係嘅,你拉極拉唔走,梗係因為對腳忽然「失調」唔聽使啫。好彩「峯峯豬」都唔弱,自爆離巢,咁,先搶番啲收視!

影完大合照,經理人王敏慧第一時間拉着 Niki到台邊,避免同徐正曦合照,但有人唔想走囉。

做電燈膽嘅林峯影咗唔夠 10秒就閃,呢個時候王敏慧又想拉走 Niki,不過今次 Niki就冇再理佢,塊面仲黑黑哋。卒之同徐生合照先笑番!

林峯投奔自由

喺大台做咗 15年嘅林峯,同場宣布已經約滿離開,全力北上搵人仔,鬼咁風騷!咁「峯峯豬」依家有名有利,仲要用咁多時間湊「千語 BB」,梗係唔可以俾大台綁住啦。

林峯有咁多 fans嚟撐場,仲頒埋聖旨。離巢,使乜驚?

經典不再

99年入行嘅「峯峯豬」,做咗兩年大茄,到 01年先有機會同楊千嬅拍《美味情緣》。以有錢仔嚟計,都算捱得。

要講林峯喺大台嘅經典作,梗要數 08年嘅《溏心風暴之家好月圓》,佢演嘅管家仔同鍾嘉欣嘅于素心,幾咁感人。當然最經典係,傳聞林公子竟然追極追唔到嘉欣 BB嘛!



鍾意就快D Share啦!