喊住登場
在 7月 25日的《中國好聲音》第三季節目首次登場， Robynn與 Kendy自彈自唱後受到評判一致讚賞，二人當眾感觸落淚。
娛樂喧
阿倫搭路環球力捧 中共元老孫女 Robynn半億豪宅揸手
參加內地歌唱比賽，好過在香港樂壇捱十年好似 G.E.M.鄧紫棋就憑《我是歌手 2》在國內爆紅。最近《中國好聲音》第三季亦吸引唔少想打響名堂的歌手參加，可嵐、阿 Yu趙頌茹、亞洲星光大道的亢帥克等都有參與早前的海選賽，最後全部被 out。不過節目播出後，突然殺出女子組合 Robynn& Kendy。
Robynn& Kendy旋即受香港網民及傳媒關注，其中 Robynn葉晴晴被極速起底，原來爺爺是中共元帥葉劍英，她還自爆是大會主動邀請她們參賽，惹來黑幕之嫌。本刊記者更發現，只有 27歲的 Robynn坐擁淺水灣市值半億的豪宅，前年又得到譚詠麟搭路，加盟環球唱片公司備受力捧，果然猛料。
《中國好聲音》於內地開播以來收視長紅，第一、二季已令不少參賽者一躍成為國內當紅歌手，如吉克雋逸、吳莫愁等。第二季更首次有香港參賽者鍾偉強參賽，雖然於小組賽被淘汰，但成為一時佳話。踏入第三季，香港二人女子組合 Robynn& Kendy於 7月 25日以〈思念是一種病〉參賽，獲得大會評判肯定，並加入內地著名音樂人楊坤的隊伍打入小組賽。
自爆顯赫家底
音樂造詣有幾勁，都不及家底勁。 Robynn迅速受關注，全因她是「紅三代」。 Robynn接受訪問時無意中自爆爸爸是葉選廉，並公開支持爸爸。原來身為國企中國保利集團旗下凱利公司董事長兼總裁的葉選廉，年初傳出因為婚外情與第二任太太「京城第一名媛」趙欣瑜離婚。 Robynn身份始公諸於世，其姊則是國內知名設計師葉明子，爺爺更是已故的中國開國元勳葉劍英。
Robynn投身娛圈，其家底對她的發展絕對有利。據知情者透露：「 Robynn好低調，身份得好少人知。不過佢有個咁有地位嘅爸爸，仲搵埋一向心繫祖國嘅譚校長幫手，又點會有阻滯吖！喺阿倫穿針引線下， Robynn簽俾環球，仲帶挈埋 Kendy㖭。佢哋見好多歌手喺香港發展麻麻，反而返大陸就風生水起，決定參加呢個比賽。主辦單位當然一早就知 Robynn嘅身份啦，要入圍有幾難，仲唔使參加選拔，有傳佢哋仲一定有獎㖭！」
坐擁五間公司
Robynn的背景除了有助星途外，更令她無後顧之憂，不用擔心做歌手搵唔到食。
其父葉選廉雖然與母親關係麻麻，更在外有婚外情及私生子，但父女感情不錯。早於 1992年女兒 5歲時，葉選廉以七百多萬買入位於淺水灣的過千呎豪宅南灣新邨單位，到 Robynn成年後便把物業正式轉到女兒名下。據知南灣新邨的單位供不應求，現時單位已升至五千萬。有物業揸手之外， 27歲的 Robynn亦擁有五間私人公司，當中包括以自己名字開設的 studio，方便閒時創作音樂。周三（ 6日）， Robynn出席電台活動前，回應其特殊背景：「屋企嘢唔想講，我好幸運有個好屋企。我哋同譚校長經歷好多嘢，我哋之前攞新人獎佢都趕嚟慶功，佢好支持我哋。」
可以盡情投入玩音樂，又毋須擔心生計， Robynn自出娘胎已贏在起跑線上！
網上紅人
現年 27歲的 Robynn，兒時於瑪利諾修院學校讀書， 15歲到美國升學，大學時就讀西北大學主修心理學， 2010年參加過蜂鳥音樂舉辦的《 Brand New Star》網上歌唱比賽奪冠，有機會與 G.E.M.的御用監製 Lupo Groinig合作，於網上推出首支原創曲〈 When the Sky Falls〉。 3年前 Robynn認識 Kendy，二人一拍即合，開始活躍於 YouTube，上載自彈自唱的改編歌曲及翻唱作品。
猛料拍檔 Kendy
做得「紅三代」 Robynn的拍檔，個人質素當然有番咁上下， Kendy孫曉慧 15歲到英國留學，大學時就讀「英國 G5大學集團」之一，與牛津及劍橋大學齊名的英國倫敦政治經濟學院，主修經濟學。留學期間她考獲皇家音樂聲樂八級文憑及倫敦音樂學校音樂表演證書，無論學業或音樂造詣都十分出眾。 Kendy回港後受任職金融界高層的爸爸影響，出道前一直於金融業工作。
|
鍾意就快D Share啦！
|
|
|
