網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月15日 星期五

[忽然1周 994] 與林小明下月開戰 江若琳賣母物業打官司 林小明,江若琳,MW,




消瘦現身

沉寂了四個月的江若琳,周二( 12日)現身銅鑼灣。之前有指她壓力爆煲,記者發現她比之前消瘦不少。當她發現記者後,不時迴避鏡頭,更說:「我依家好多嘢都唔方便講太多。」

滾熱辣

與林小明下月開戰 江若琳賣母物業打官司

今年 4月,江若琳與寰宇爆發合約糾紛。江若琳高呼加入寰宇十年來一毫子都冇袋過,令她決定不再續約,但寰宇老闆林小明卻聲言有權於江約滿後優先續約多五年。

寰宇上月入稟高院,控告江若琳違約,並要求高院頒布禁制令,禁止她再私下接 job。據知禁制令已遭高院駁回,江若琳現時亦以自由身接 job。本周六( 16日),她將出席天梭錶活動, 6位數酬勞一炮過袋晒。

不過,江若琳與寰宇的合約糾紛下月便開審,為撲過百萬律師費,她放盤變賣母親物業。周二( 12日),記者向江若琳求證,她默認要籌錢打官司。







江若琳與寰宇爆出合約糾紛四個月以來,即使有品牌邀請她出席活動,為免在敏感時期觸怒林小明,她有錢都唔敢賺。完全零收入,只好靠屋企人接濟。知情人士說:「咁樣坐食山崩都無補於事,佢唔想再嚇退啲廣告商,於是膽粗粗自己去接天梭錶個騷。」

輕鬆揀錶

江若琳周六( 16日)(圈)將出席「天梭錶」活動,收 6位數酬勞。周二( 12日),她先到專門店揀錶,其間更笑晒口與品牌男公關傾偈,幾識撈喎!

木獨睇電話

之後江若琳相約一名男性形象指導,到 I.T揀衫。不過她心情突然麻麻,全程冇乜表情,只顧睇電話,情緒大上大落。

借錢俾律師費

500萬舊樓

江若琳和母親現時居住北角百福花園。據知此物業為江母名下,於千禧年以 200多萬買入,當時江若琳仍未入行,現時單位已升值達 500萬。

江若琳雖然有幸出山,但這筆 12萬酬勞,只佔律師費的一小部分。皆因與林小明這場官司,下月終於殺到埋身。月初,雙方律師先在庭上互相交換法律文件,然後排期聆訊。最快下月尾,江若琳和林小明會被傳召上庭作供,估計屆時火藥味十足。

據知江若琳這場官司入場費接近 120萬,「爛船都有三斤釘,雖然阿 Ling(江之別名)話十年白做,但林生每個月墊支俾佢萬零兩萬蚊,佢儲儲埋埋都有幾十萬,其餘嗰啲就問朋友借住先。」不過萬一官司再拖下去,律師費隨時高見二百萬,她惟有變賣母親在北角的物業百福花園,希望套現五百萬,為打贏官司押注。「阿 Ling媽咪見個女捱得咁辛苦,為咗個女都在所不惜,冇咗層樓咪重新嚟過囉!佢哋已聯絡相熟地產,俾人上嚟睇樓。」

患免疫力失調

為了重建事業,江若琳隨時要連累阿媽,難怪她這段時間壓力爆煲,晚晚失眠,更患上免疫力系統失調症。「佢覺得自己好蠢,咁多年嚟都要屋企人擔心,晚晚係咁喊,終於屈到病。佢患呢個病嗰陣,成個額頭都出滿晒紅點,啲皮膚又紅又乾,足足食咗兩個月西藥。」當時她更選擇避走英國,逃離這個是非地。

輸官司即退出

倘若江若琳今次輸官司,她這段時間私下所接的工作,其中 35%的酬勞將賠償俾林小明,更分分鐘再蝕堂費,而她亦做好了退出娛圈的最壞打算。

周二( 12日),潛行多個月的江若琳終於露面,現身銅鑼灣為活動試衫。對於私自接 job賺錢,她支吾以對說:「其實都唔講太多喇!但好多謝客戶支持。我咁耐冇做嘢,都會有少少緊張嘅!(官司有冇信心?)其實依家都進入司法程序,所以唔係太方便講。(係咪要賣樓?)都比較難答。(要籌錢打官司?)都冇得好擔心,總之努力工作總之依家賺到嘅錢會俾晒媽咪,我咁大個女第一次交家用。」

秘赴英國散心

今年 6月,剛擊退免疫力失調症的江若琳,飛赴英國進修短期課程,順道在當地散心。本刊拍得她當時冇化妝,一頭亂髮返學。

回港後擺相

江若琳到倫敦修讀為期兩星期的演技班,不過她收得好埋,直到回港之後,才將自己上堂的相片放上微博,舉動奇怪。

林小明志在必得

而林小明對於江若琳要賣樓打官司則表示:「佢要做咩都得,同我無關。總之我哋根據法律程序,我哋會照做。佢要做啲咩嘢(賣樓),接啲咩 job,都唔緊要。總之佢要承擔法律責任,要自己負責後果。(對官司有信心嗎?)冇信心我告嚟做咩!老實講,如果唔係合約仲有幾年,我告佢嘥銀紙咩?(佢話終於可以第一次交家用?)交家用就不嬲都有㗎!我都唔知佢講乜。呢十年真係冇錢嘅話,佢一早乞米問題係佢攞咗錢,要慢慢還。呢啲唔係收入咩!」事隔多個月,林小明依然有火,江若琳呢場硬仗唔易打!

發聲明狙擊

林小明早前突發聲明,強調仍繼續擔任江若琳的經理人。

低調搵食

其實江若琳近期又為品牌拍硬照廣告,不過作風低調,未有出席活動宣傳。

網上發聲

由於江若琳和林小明的合約糾紛,現時已進入司法程序,雙方若就此事作出回應的話,隨時影響案情進展。不過聲稱十年白做的江若琳,頻頻在網上多個平台發聲。

堅持自己

江若琳將三個印有「勇氣」、「堅持」和「夢想」的襟章相片放上微博,重申要堅持自己信念,與林小明打仗。

鬥耐力

江若琳在 instagram放上為雜誌影的造型相,更留言自己硬頸,練到劈唔斷,暗示自己有耐性打這場官司。

以卵擊石

江若琳捲入合約糾紛官司後,立即出 post話相信還有公義,更表示唔怕與有權有勢的人對撼,單挑林小明。

套現打官司

搵資深大律師打官司,一頁紙都係錢,律師費分分鐘變天文數字。難怪除了江若琳外,不少藝人為了打官司,都要賣樓套現。

劉美娟還兒子公道

劉美娟和張崇德兩公婆,共花了九年時間,為兒子天藍出世一天後夭折的事件,尋求真相。由於他們要求開死因庭調查,又搵人搜集更多醫療報告,加上時間長達九年,故他們要賣樓俾律師費。

劉家輝追二百萬酬勞

劉家輝於 2011年中風導致右邊身癱瘓,由於每月的醫藥費要 10萬,加上他要打官司追討前助手 Eva私吞了的 200萬人仔酬勞。雙重壓力下,劉當時諗過賣掉持有 24年的物業應急。



鍾意就快D Share啦!